Ընթացիկ համար

Քեզ համար   

Մանուկներին

Արխիվ

Քարոզները

Բացիկներ

Լրահոսից

1 հունիսի - Երկրորդ Ծաղկազարդ: Սուրբ Աստվածածին եկեղեցում Ս. Պատարագ մատուցեց Տ. Շիրակ ավգ. քհն. Առաքելյանը: Հընթացս սրբազան արարողակարգի՝ «Հայր մեր»-ից առաջ, հավուր պատշաճի քարոզ խոսեց Շիրակի թեմի Առաջնորդ Տ. Միքայել արքեպս. Աջապահյանը:

8 հունիսի - Հոգեգալուստ, Պենտեկոստե: Տոնի ուրախ առիթով Ս. Յոթվերք առաջնորդանիստ եկեղեցում, ձեռամբ Տ. Թաթուլ ավգ. քհն. Հակոբյանի, մատուցվեց Սուրբ եւ անմահ Պատարագ: Հընթացս սրբազան արարողակարգի՝ «Հայր մեր»-ից առաջ, օրվա խորհուրդը մենող հանգամանալից քարոզ խոսեց Շիրակի թեմի Առաջնորդ Տ. Միքայել արքեպս. Աջապահյանը:

15 հունիսի - Հիշատակ Եղիա մարգարեի: Ս. Յոթվերք եկեղեցում մատուցվեց Սուրբ եւ անմահ Պատարագ: Օրվա պատարագիչն էր Տ. Հուսիկ քհն. Գրիգորյանը: Սրբազան արարողակարգի ընթացքում՝ «Հայր մեր»-ից առաջ, օրվա խորհրդին համահունչ քարոզ խոսեց Շիրակի թեմի Առաջնորդ Տ. Միքայել արքեպս. Աջապահյանը:

16 հունիսի - Սրբոց կուսանացն Հռիփսիմյանց: Նահատակ կույսերի հիշատակի օրվա առիթով Ավստրիական թաղամասի Ս. Հռիփսիմե մատուռում Սուրբ եւ անմահ Պատարագ մատուցեց եւ «Հայր մեր»-ից առաջ օրվան պատշաճող հանգամանալից քարոզ խոսեց Տ. Հովհաննես քհն. Ալեքսանդրյանը:

21 հունիսի - Տոն Ս. Գրիգոր Լուսավորչի վիրապից ելքի: Տոնի ուրախ առիթով Ս. Յոթվերք եկեղեցում մատուցվեց Սուրբ եւ անմահ Պատարագ: Օրվա պատարագիչն էր Տ. Վարագ քհն. Հակոբյանը: Հընթացս սրբազան արարողակարգի՝ «Հայր մեր»-ից առաջ, հոգեհույզ քարոզ խոսեց պատարագիչ Տեր Հայրը:

Նույն օրը Ս. Գրիգոր Լուսավորիչ եկեղեցում Սուրբ եւ անմահ Պատարագ մատուցեց Տ. Փավստոս քհն. Սարգսյանը:

22 հունիսի - Տոն Կաթողիկե Ս. Էջմիածնի: Ս. Յոթվերք մայր եկեղեցում, տոնի ուրախ առիթով, մատուցվեց Սուրբ եւ անմահ Պատարագ: Օրվա պատարագիչն էր Տ. Վարագ քհն Հակոբյանը: Սրբազան արարողակարգի ընթացքում՝ «Հայր մեր»-ից առաջ, հանգամանալից քարոզ խոսեց Տ. Հուսիկ քհն. Գրիգորյանը: Կատարվեց նաեւ անդաստան:

29 հունիսի - Ս. Աստվածածին եկեղեցում Սուրբ Պատարագ մատուցեց Տ. Թաթուլ ավգ. քհն. Հակոբյանը եւ հընթացս սրբազան արարողության՝ «Հայր մեր»-ից առաջ, հավուր պատշաճի քարոզ խոսեց:

30 հունիսի - Առաջնորդանիստ Սուրբ Աստվածածին մայր եկեղեցում մատուցվեց Սուրբ ե անմահ Պատարագ: Օրվա պատարագիչն էր Տ. Հարություն քհն. Պետրոսյանը: Սրբազան արարողակարգի ընթացքում՝ «Հայր մեր»-ից առաջ, ոգեշունչ քարոզ խոսեց պատարագիչ Տեր Հայրը:

>>>