Ընթացիկ համար

Քեզ համար   

Մանուկներին

Արխիվ

Քարոզները

Բացիկներ

Մանուկներին՝ Սրբազան Պատմություն

ԻՇԽԱՆՆ ՈՒ ԴԱՏԱՎՈԸ

ելսի իշխան Հենրիկոսը վայրագ եւ անուղղելի երիտասարդ էր: Նա իր դիրքին անհամապասխան, ստորին կարգի ընկերների հետ ժամանակ էր անցկացնում եւ ամեն տեսակի անվայելուչ արարքներ գործում:

Մի օր իր վատ ընկերներից մեկը դատվեց գողության համար եւ բանտարկության դատապարտվեց: Իշխանը, որ ներկա էր դատավարությանը, դատավճիռը լսելիս զայրացավ եւ սպառնալով դատավորին՝ հրամայեց ազատ արձակել բարեկամին:

- Բանտն իշխանի բարեկամի տեղը չէ: Ես Ուելսի իշխանն եմ եւ արգելում եմ իմ բարեկամին, հասարակ գողի նման, բանտ տանել,- ասաց իշխանը:

- Ո՛վ ուզում ես եղիր, դատարանում այսպես խոսելու իրավունք չունես: Ես երդվել եմ արդարադատ լինել եւ պետք է արդար գործեմ,- պատասխանեց դատավորը:

Իշխանն ավելի զայրացավ, փորձեց անձամբ ազատ արձակել դատապարտյալին, սակայն դատավորն ազդարարեց, որ նա միջամտելու իրավունք չունի եւ հրամայեց վերջ տալ անվայել ընթացքին:

Դատավորի սառնասրտությունն ու հաստատակամությունը բոլորովին հունից հանեցին Իշխանին: Վերջինս հարձակվեց ատյանի վրա եւ դատավորին ուժգին ապտակեց:

Դատավորն անվտանգության աշխատակիցներին հրամայեց ձերբակալել իշխանին եւ, իր գող բարեկամի հետ, բանտ առաջնորդել:

- Ոչ թե անձնական արժանապատվությունս վիրավորած լինելու, այլ օրենքի պատիվն անարգած լինելու համար եմ արձակում այս վճիռը,- ասաց դատավորը եւ, շրջվելով դեպի իշխանը, ավելացրեց,- պարո՛ն, մի օր էլ դու ես թագավոր դառնալու: Այն ժամանակ ի՞նչ իրավունքով ես հպատակներիցդ հնազանդություն պահանջելու, երբ այժմ ինքդ ես անարգում թագավորի օրենքնեը:

Իշխանն զգացվեց այս խոսքերից, առանց առարկության վայր դրեց սուրը եւ, խոնարհվելով դատավորին, հանդարտորեն բանտ գնաց:

Երբ թագավորը լսեց միջադեպի մասին, ուրախությունից բացականչեց.

- Երջանիկ է այն թագավորը, որ օրենքն անվախորեն գործադրող դատավոր եւ օրենքին հպատակվել իմացող գահաժառանգ ոնի:

Հենրիկոսը հետագայում Անգլիայի մեծագույն, հաղթական թագավորներից մեկը եղավ, իսկ դատավորը միշտ, մնաց նրա սիրելի ու վստահելի պաշտոնատարը:

>>>