| ԳԵՐԱԳՈՒՅՆ
ՀՈԳԵՎՈՐ ԽՈՐՀՐԴԻ ՀԱՅՏԱՐԱՐՈՒԹՅՈՒՆԸ
 ունիսի
25-ին Մայր Աթոռ Սուրբ Էջմիածնում, Ն.Ս.Օ.Տ.Տ. Գարեգին Բ Ծայրագույն
Պատրիարք եւ Ամենայն Հայոց Կաթողիկոսի նախագահությամբ, տեղի ունեցավ
Գերագույն հոգեւոր խորհրդի ժողով, հընթացս որի ժողովականները հանդես
եկան հայտարարությամբ:
ՀԱՅՏԱՐԱՐՈՒԹՅՈՒՆ
Մայր Աթոռ Սուրբ Էջմիածինը խոր մտահոգություն է արտահայտում Տ. Բագրատ
արքեպս. Գալստանյանի ու նրա համախոհների նկատմամբ այսօր իրավապահ
մարմինների ձեռնարկած գործողությունների եւ նրանց մեղսագրվող ծանր
մեղադրանքների կապակցությամբ:
Իրավական գործընթացի նկատմամբ վստահություն չի ներշնչում այն հանգամանքը,
որ սկզբից եւեթ ՀՀ վարչապետը եւ իշխող կուսակցության տարբեր ներկայացուցիչներ,
ակնհայտ քաղաքական նկատառումներով, տարաբնույթ հրապարակումների միջոցով,
փորձում են ուղղորդել իրավապահ մարմիններին:
Դատապարտելի է նաեւ հիշյալ գործընթացը Եկեղեցու հետ արհեստականորեն
կապակցելու եւ Մայր Աթոռի անունը շահարկելու դիտավորությունը, ինչն
ամբողջապես տեղավորվում է իշխանությունների նախաձեռնած հակաեկեղեցական
արշավի համատեքստում:
Մայր Աթոռն օրինական բոլոր միջոցներով հետամուտ է լինելու գործի
արդարացի ընթացքին եւ հորդորում է պատկան մարմիններին՝ չտրվել քաղաքական
շահարկումներին, առաջնորդվել ՀՀ Սահմանադրության եւ օրենքների պահանջներով՝
հարգելով անմեղության կանխավարկածի սկզբունքը:
ՄԱՅՐ ԱԹՈՌ Ս. ԷՋՄԻԱԾԻՆ
ՏԵՂԵԿԱՏՎԱԿԱՆ ՀԱՄԱԿԱՐԳ
>>>
|
|
