Ընթացիկ համար

Քեզ համար   

Մանուկներին

Արխիվ

Քարոզները

Բացիկներ

ՀԱՆՈՒՆ ՀԱՅՐԵՆԱՍԻՐՈՒԹՅԱՆ, ԱՐԴԱՐՈՒԹՅԱՆ
ՈՒ ԱՐԺԱՆԱՊԱՏՎՈՒԹՅԱՆ...

իրակի թեմի բարեխնամ Առաջնորդ Գերաշնորհ Տ. Միքայել արքեպս. Աջապահյանը, անհիմն մեղադրանքով եւ անարդար դատավորի ապօինի որոշմամբ երկու ամսով կալանավորվեց:

Սահմանափակվեցին նաեւ նրա շփումները՝ բացառությամբ մերձավոր ազգականների ու փաստաբանների հետ:

Միաժամանակ ներկայացնում ենք Միքայել Սրբազանի հայտարարությունը՝ կապված իր անունը վարչապետի թեկնածուների ցանկում քննարկելու առնչությամբ:

ՀԱՅՏԱՐԱՐՈՒԹՅՈՒՆ

Ես լիովին բավարարված եմ իմ ծառայությունից իբրեւ հոգեւորական, ուստի խնդրում եմ իմ անունը չշահարկել վարչապետի թեկնածուների շարքում:

Աստված պահապան:

Միքայել Արքեպիսկոպոս Աջապահյան

27.06.2025 թ.
ք. Երեւան

Վերոնշյալի առիթով իր Ֆեյսբուքյան էջում պատմաբան Ռուբեն Մելքոնյանը գրել է հետեւյալը:

«ՀԵԹՈՒՄՅԱՆ-ԱՋԱՊԱՀՅԱՆ ՏՈՀՄԻ ԱՐԺԱՆԻ ՀԵՏՆՈՐԴԻՆ
ԻՆՉՈ՞Վ ԵՎ ԻՆՉՊԵ՞Ս ԵՔ ՊԱՏԺԵԼՈՒ. ՆԱ ԱՅԴ ԱՄԵՆ ԻՆՉԻՑ ՎԵՐ Է»

Տ. Միքայել արքեպիսկոպոս Աջապահյանը մեզանում եւ մեր ժամանակներում ամենաքրիստոնեաբար ապրող եզակի հայերից ու հոգեւորականներից է: Իսկ քրիստոնեաբար ապրելը ենթադրում է նաեւ պատրաստ լինել զրկանքների, հալածանքների, որոնք հավատքի բարձրությունից վերածվում են առ ոչնչի:

Որպես ասվածի ապացույց՝ Միքայել Սրբազանը, ըստ փաստաբանների, դատական նիստին հայտարարել է. «Եթե կալանավորեք, էլի շնորհակալ եմ Աստծուն, որովհետեւ փորձության միջով եմ անցնում»:

Վախը հաղթահարած մարդուն, կենցաղին ու նյութականին երբեք կարեւորություն չտվող մարդուն, հալածանքին ու զրկանքներին պատրաստ եւ դրանց քրիստոնեաբար նայող մարդուն, Հեթումյան-Աջապահյան երախտավոր տոհմի արժանի հետեւորդին ինչո՞վ եւ ինչպե՞ս եք պատժելու: Նա այդ ամեն ինչից վեր է:

Սրբազանին ճանաչողները գիտեն, որ նրան միշտ կարելի է տեսնել Ժամերգություններից եւ Սուրբ Պատարագից հետո, որոշակի ժամերի Գյումրու Սուրբ Յոթվերք եկեղեցու շուրջ զբոսնելիս, իսկ առավել բախտավորները հնարավորություն են ունենում ընկերակցել նրան եւ վայելել նրա իմաստուն, հոգեւոր խոսքը:

Հալածանք-կալանքի երկու ամիսների ընթացքում Միքայել Սրբազանը մի դժվարություն է միայն ունենալու՝ կարոտելու է խնկաբույր եկեղեցին եւ իր սիրելի Գյումրիում քայլելը: Բայց վստահ եմ, որ օրվա տարբեր ժամերին լինելու է աղոթական՝ կալանավայրի խուցը լցնելով ու մաքրագործելով աղոթքով:

Հ.Գ. Երբ զանգահարում եմ Միքայել Սրբազանին, միշտ պատասխանում է, գյումրեցու սրամտությամբ հարուստ, իր հայտնի արտահայտությամբ. «Լսում եմ Ձեր հրահանգները»: Հիմա ես ոչ թե հրահանգում, այլ որդիաբար խնդրում եմ Սրբազան Հորն առողջ լինել: Չեմ ասում պինդ լինել, որովհետեւ դա անիմաստ է եւ նման կլինի նրան, թե լեռանը խնդրես լեռ լինել:

Աստված օգնական Սրբազան Հայր:

ՌՈՒԲԵՆ ՄԵԼՔՈՆՅԱՆ
ՊԱՏՄԱԲԱՆ

>>>