| «ՄՏԷՔ
ԱՌԱՋԻ ՆՈՐԱ ՑՆԾՈՒԹԵԱՄԲ,
ԾԱՆԵՐՈՒՔ, ԶԻ ՆԱ Է ՏԷՐ ԱՍՏՈՒԱԾ ՄԵՐ»
ՈՒԽՏԱԳՆԱՑՈՒԹՅՈՒՆ ԵՐԵՎԱՆԻ ՍՐԲԱՎԱՅՐԵՐ
«Հին ձեռագրերն ամբարաններում
հնագույն զենքեր են,
որոնցով ժողովուրդը դարերով պաշտպանել է իրեն...»:
ԿԻՄ ԲԱԿՇԻ
 այիսի
14-ին, Շիրակի թեմի բարեխնամ Առաջնորդ Տ. Միքայել արքեպս. Աջապահյանի
հայրական օրհնությամբ, Զարիկ Իգիթյանի եւ Ժաննա Խաչատրյանի նախաձեռնությամբ
մի խումբ հավատացյալներ բռնեցին Երեւանի սրբավայրեր տանող ճամփան:
ԶՈՐԱՎՈՐ Ս. ԱՍՏՎԱԾԱԾԻՆ ԵԿԵՂԵՑԻ
Սուրբ Մովսես Գ Տաթեւացի Հայրապետի (1629-1632) հիշատակի օրվա առիթով
Զորավոր Սուրբ Աստվածածին եկեղեցի բերվեց Զորավոր հրաշագործ Ավետարանը:
Եկեղեցին զորավոր է կոչվել այստեղ հանգչող Ս. Անանիա Առաքյալի հրաշագործ
մասունքների շնորհիվ:
ԶՈՐԱՎՈՐ ԱՎԵՏԱՐԱՆԻ ՊԱՏՄՈՒԹՅՈՒՆԸ
Զորավոր Ավետարանը պահվում է Ս. Մաշտոցի անվան հին ձեռագրերի Մատենադարան-ինստիտուտում:
Ավետարանի հետ կապված բազմաթիվ հրաշքների ու բժշկությունների հիշատակություններ
կան: Հենց այդ պատճառով ոչ միայն Ավետարանը, այլեւ եկեղեցին ուր
այն պահվել է, մարդիկ կոչել են Զորավոր: Սուրբ Մոսես Գ Տաթեւացին
երկար տարիներ ճգնել է Զորավոր Սուրբ Աստվածածին եկեղեցու անապատ-վանքում:
Հայտնի է եկեղեցական իր մեծ բարեգործություններով եւ շուրջ հինգ
հազար հայերի գերությունից ազատելու ջանքերով:
4060 համարը կրող՝ 292 մագաղաթյա թերթ ունեցոզ, Զորավոր Ավետարանի
գրման ստույգ թիվը, գրչի անունը եւ գրչության վայրը պահպանված չեն,
միայն հիշատակարաններից հասկանալի է, որ այն գնել է Վիշապիկի որդի
Հակոբը եւ նվիրել Երեւանի Երկուերեսանի եկեղեցուն (Նորքի զանգվածի
եկեղեցիներից մեկն է եղել): Ձեռագրում պահպանված է նաեւ կազմողի,
նորոգողի հիշատակարանը, որ գրել է, թե ականատես է եղել Ավետարանի
հրաշագործություններին: Ուսումնասիրողները ենթադրել են, որ այդ հիշատակարանի
հիման վրա էլ ստեղծվել է այն գաղափարը, թե ձեռագիրն ունեցել է հզոր
ուժ:
Ըստ մանրանկարների գույների՝ Ավետարանը համարվում է 15-րդ դարի ձեռագիր:
Այն, ի պատիվ ընթերցողի, կոչվում է նաեւ Վիշապենց Ավետարան: Զորավոր
Ավետարանի հետ կապված հետեւյալ ավանդությունն էլ կա, համաձայն որի
այն գրի է առել Ս. Ղազար կղզու Մխիթարյան միաբանության ճանաչված
ուսումնասիրողներից Գ. Ինճիճյանը: Ըստ նրա՝ թշնամական արշավանքների
ժամանակ կողոպտվել է Սեւանա կղզու վանքը, իսկ գողացված արժեքների
թվում է եղել հրաշագործ զորավոր մի Ավետարան, որն ինչ-որ ձեւով լիճն
է ընկել: Լճից Զանգու (Հրազդան) գետի ջրով Ավետարանը հասնում է մինչեւ
Երեւան եւ հայտնվում մի կնոջ մոտ, ով եւ Սուրբ Գիրքը հանձնում է
Ս. Անանիայի վանքին: Այստեղ Ավետարանը պահվում է մինչեւ 19-րդ դարավերջ:
Հայտնի չէ, թե երբ եւ ինչ պարագաներում է Զորավոր Ավետարանը տարվել
Արտազի Ս. Թադեոս Առաքյալի վանք, որտեղից եւ 1911 թ. մագաղաթյա ձեռագիրը
բերվել է Էջմիածին, իսկ 1939-ին կրկին Երեւան:
Մայիսի 14-ին Զորավոր Ս. Աստվածածին եկեղեցի ուխտի եկած մեծաթիվ
հավատացյալների փափագն էր հաղորդակից լինել Զորավոր հրաշագործ Ավետարանին
եւ ներկա գտնվել Ս. Պատարագին՝ խնդրելով, այդ օրը հիշատակվող, Ս.
Մովսես Գ Տաթեւացի Հայրապետի բարեխոսությունը: Ուխտավորները նաեւ
հաղորդվեցին մեր Տիրոջ Ս. Մարմնին ու Ս. Արյանը:
ԵՐԵՎԱՆԻ Ս. ԱՆՆԱ ԵԿԵՂԵՑԻ
Ուխտավորների փոքրիկ քարավանը, հավատքով զորացած, շարժվեց դեպի Ս.
Աննա եկեղեցի: Այն կառուցվել է 2015 թվականին եւ հարակից է Կաթողիկե
Ս. Աստվածածին եկեղեցուն: Այստեղ նրանք սիրով վառեցին իրենց հավատի
մոմերը, աղոթք առաքեցին առ Աստված: Վերջին կանգառը Արաբկիրի՝ 2017
թ. կառուցված, Ս. Խաչ եկեղեցին էր, ուր ուխտավորները վառեցին ի-րենց
հավատքի մոմերը եւ երկյուղով համբուրեցին խնկաբույր քարերը:
ԱԼՎԱՐԴ ԿԱՂԶՎԱՆՑՅԱՆ
>>>
|
|
