Ընթացիկ համար

Քեզ համար   

Մանուկներին

Արխիվ

Քարոզները

Բացիկներ

«ՆՈՐԱՑՈՒՑԷՔ ԶՕՐՀՆՈՒԹԻՒՆ ՅԱՐՈՒՑԵԼՈՅՆ
Ի ՄԵՌԵԼՈՑ, ՈՐ ՆՈՐՈԳԵՑԱՆ ԶՏԻԵԶԵՐՍ»
ՍՈՒՐԲ ՀԱՐՈՒԹՅԱՆ ՏՈՆԸ ՇԻՐԱԿԻ ԹԵՄՈՒՄ

իսուս Քրիստոսի հրաշափառ Հարությունը քրիստոնեական տոների շարքում առանցքային նշանակություն ունի: Այն հայտնի է նաեւ Սուրբ Զատիկ անվամբ, ինչը հին հրեաների՝ եգիպտական գերությունից ազատագրվելու տոնն է: Փրկչի Հարությունը ողջ մարդկության համար շրջադարձային նշանակություն ունեցավ:

Հիսուս Քրիսոս խաչի վրա Իր արյունը հեղելով՝ բոլորիս առջեւ բացեց Երկնքի արքայության դռները, որ փակվել էին մեր նախածնողների պատվիրազանցության հետեւանքով: Սուրբ Նարեկացին իր աղոթամատյանում գրում է. «Մեռար անմահդ եւ նորոգեցիր մահացածներին»: Նախքան Հարություն առնելը՝ մեր Տերն անցավ չարչարանքներով ու տառապանքով լի ճանապարհ, որի ավարտը հաղթանակն էր մահվան դեմ: Առաքյալները տեսնելով Հարություն առած Հիսուսին՝ նոր ըմբռնեցին իրենց Ուսուցչի մարդեղացման խորհուրդը: Նրանք Տիրոջ Հարության վկաները դարձան՝ աներկյուղ քարոզելով այն աշխարհով մեկ: Քրիստոնյաներս եղանք այդ բարի ավետիսին ականջալուր եւ մեր գլխավոր նպատակները դարձան, ինչպես Առաքյալն է ասում, Նրան եւ Նրա Հարության զորությունը ճանաչելը, չարչարանքերին մասնակից, մահվանը կերպարանակից լինելը՝ հասնելու համար մեռելներից Հարություն առնելուն (Փիլիպ. Գ 10-11):

Արդ, առանց Հարության հրաշքի չէր կարող իմաստ ստանալ Քրիստոսի զոհաբերությունը: Մթագնած երկնքում բոցավառվող արեւի պես է ճառագայթում «Քրիստոս յարեաւ ի մեռելոց» ավետիսը, որ դարեր շարունակ վերափոխում է մարդկության կյանքը: Սուրբ Հարության տոնը՝ մեր Տիրոջ հաղթանակն է մահվան նկատմամբ: Նա խաչի վրա Իր կյանքով վճարեց մեզ համար, որպեսզի մենք փրկություն ունենանք, կարողանանք ժառանգել Երկնքի արքայությունը: Տիրոջ փրկագործ տնօրինությունը տեսնելով՝ մեզ մնում է միայն ամրանալ մեր հավատքի մեջ եւ երկրային կյանքը զարդարել առաքինություններով ու բարի գործերով:

«ՔՐԻՍՏՈՍ ՅԱՐԵԱՒ Ի ՄԵՌԵԼՈՑ» ՍՈՒՐԲ ԶԱՏԻԿ

«Ուրախ լեր Սուրբ Եկեղեցի», քանզի այսօր քո լույս խորաններից Հարության ու կյանքի շնորհն է բաշխվում: Քրիստոսի Հարությամբ կյանքի խավարը փարատվեց, եւ մահը պարտվեց՝ ծնունդ տալով անմահությանը, որ դարձավ հոգեւոր փրկության երաշխիք:

Ապրիլի 20-ին Ս. Յովերք, Ս. Նշան, Ս. Գրիգոր Լուսավորիչ եկեղեցիների զանգերի ղողանջներն ազդարարեցին Հարության Ս. Պատարագի սկիզբը: Ս. Յոթվերք առաջնորդանիստ եկեղեցում օրվա պատարագիչն էր թեմակալ Առաջնորդ Տ. Միքայել արքեպս. Աջապահյանը: Հընթացս սրբազան արարողակարգի՝ «Հայր մեր»-ից առաջ, ընթերցվեց Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի զատկական պատգամը:

ՀԻՇԱՏԱԿ ՄԵՌԵԼՈՑ

Ապրիլի 21-ի առավոտյան մայր եկեղեցում մատուցվեց Սուրբ եւ անմահ Պատարագ՝ ի հիշատակ համորեն ննջեցելոց: Օրվա պատարագիչն էր Տ. Թաթուլ ավգ. քհն. Հակոբյանը:

ԱԼՎԱՐԴ ԿԱՂԶՎԱՆՑՅԱՆ
ԼՈՒՍԱՆԿԱՐՆԵՐԸ՝
ԳԵՎՈՐԳ ՂԱԶԱՐՅԱՆԻ

>>>