Ընթացիկ համար

Քեզ համար   

Մանուկներին

Արխիվ

Քարոզները

Բացիկներ

ՀԱՆԴԻՍՈՒԹՅՈՒՆ «ՀԱՅԱՍՏԱՆԻ ՓՈՔՐԻԿ ԶԻՆՎՈՐՆ ԵՄ»
ԽՈՐԱԳՐՈՎ

ունվարի 27-ին Սուրբ Հակոբ եկեղեցու մշակութային բաժնում տեղի ունեցավ «Ես Հայաստանի փոքրիկ զինվորն եմ» խորագրով հանդիսություն՝ նվիրված հայոց բանակի կազմավորման 33-րդ տարեդարձին:

Ի տարբերություն նախորդ տարիների՝ միջոցառումն այս անգամ կրում էր ուսուցողական բնույթ: Ս. Հակոբ եկեղեցու մշակութային բաժնում հյուրընկալել էին «Ողջ մնալու արվեստ»-ի (ՈՄԱ) Գյումրու առաջին օգնության հրահանգիչ Բելա Գասպարյանին, զենքի կիրառման հրահանգիչներ Հովհաննես Խնոսյանին եւ Վարուժան Դավթյանին:

Գյումրու ՈՄԱ-ն բացառիկ եւ կարեւոր հարթակ է, որ սերտորեն միմյանց է կապում հայրենասիրությունը, ինքնապաշտպանության հմտությունները եւ հոգեւոր զարգացման գաղափարները: Այն օգնում է երիտասարդներին, եւ ոչ միայն, ձեռք բերել իքնավստահություն, ֆիզիկական պատրաստվածություն եւ մարտավարական գիտելիքներ` միաժամանակ պահպանելով հայկական արժեքներն ու ոգին:

Հանդիպումն անցավ անչափ հետաքրքիր. նախ Բելան երեխաներին ծանոթացրեց առաջին բուժօգնության հմտություններին, այնուհետեւ Վարուժանը խոսեց ինքնապաշտպանության ու զենքը ճիշտ օգտագործելու մասին: Այսօր առավել, քան երբեւէ ամեն հայ պետք է իմանա կռվել, պաշտպանվել ու պաշտպանել: Երեխաների ու ծնողների համար շատ սպասված եւ ուսուցողական միջոցառում էր:

Սուրբ Հակոբ եկեղեցու մշակութային բաժինը միշտ կարեւորում է մեր ազգաին արժեքները, Հայ Առաքելական Եկեղեցին եւ Հայոց բանակը, որ ոչ միայն պետության պաշտպանական ամրոցն է, այլեւ մեր հավաքական հանձնառության, պատասխանատվության ու համերաշխության գլխավոր խորհրդանիշը: Հանդիպման վերջում հրավիրող եւ հյուրընկալվող կողմերը հույս հայտնեցին, որ նմանատիպ ռազմա-հայրենասիրական հանդիպումները շարունակական կլինեն եւ կնպաստեն մատաղ սերնդի խիզախ ոգու ամրապնդմանը:

ԼՈՒՍԻՆԵ ԳՐԻԳՈՐՅԱՆ

>>>