| ՄԻՋԻՆՔԸ
ՇԻՐԱԿԻ ԹԵՄՈՒՄ
  իջինքը
գալիս է հիշեցնելու, որ Մեծ պահքի կեսը հաղթահարված է:
Մարտի 26-ին Շիրակի թեմի Երիտասարդաց միության անդամները Գյումրու
Սուրբ Աստվածածին մայր եկեղեցում ներկա գտնվեցին միասնական ժամերգությանը`
հանդիսապետությամբ Շիրակի թեմի բարեխնամ Առաջնորդ Գերաշնորհ Տ. Միքայել
արքեպիսկոպոս Աջապահյանի: Երիտասարդներն ընթերցեցին Ներսես Շնորհալու
«Հավատով խոստովանիմ» -ը:
Ինքնամաքրման, ապաշխարության ճանապարհի կեսին մեզ տրվեց նաեւ հնարավորություն՝
ժամերգության ավարտին անկեղծ ու անմիջական զրույց ունենալ թեմակալ
Առաջնորդի հետ: Շիրակի թեմի սոցիալ-կրթական կենտրոնում տեղի ունեցած
հանդիպմանը ներկա էին հոգեւորականներ, ինչպես նաեւ մեծաթիվ երիտասարդներ՝
թեմի տարբեր հովվություններից:
Պահեցողություն, փորձություններ, հարատեւություն, կամք, լույսի եւ
խավարի պայքար, լույսի հաղթանակ. երիտասարդներին հուզող այս եւ այլ
հարցերի շուրջ զրուցեց Սրբազան Հայրը:
 «Փորձությունը
պետք է հաղթահարել ներքին խաղաղությամբ, հանդարտությամբ, մտքի ու
սրտի անդորրով: Իսկ այս ամենին հնարավոր է հասնել աղոթքով ու պահեցողությամբ»,-
իր խոսքում նշեց Առաջնորդ Սրբազանը:
Հոգեւոր զրույցին հաջորդեց նաեւ օրվա ավանդական հատվածը. Սրբազան
Հայրը կտրեց Միջինքի գաթան. երիտասարդներից մի քանիսին բաժին հասան
Տիրոջ նշանը՝ Խաչը եւ առատ օրհնություններ:
Ներկաները, զորացած եւ ոգեշնչված, կշարունակեն Մեծ պահքի մնացյալ
քսանչորս օրերի ընթացքը:
ՄԱՐԻԱՄ ՍՈՒՔԻԿՅԱՆ
>>>
|
|
