Քրիստոսի Ս. Ծննդյամբ Աստված մոտեցավ մեզ, բռնեց մեր ձեռքը եւ առաջնորդեց Երկնքի Արքայություն Իր բացած ճանապարհով: Չմերժենք այդ ճանապարհը, չթողնենք ձեռքն Աստծո, որպեսզի, Ս. Ծննդյամբ բացված, 2025 թ. օրհնաբեր լինի մեր երկրի, ազգի եւ աշխարհի համար: z

 
ՄԻՔԱՅԵԼ ԱՐՔԵՊԻՍԿՈՊՈՍ ԱՋԱՊԱՀՅԱՆ

 

Ընթացիկ համար

 


Քեզ համար   

 


Մանուկներին

 


Արխիվ

 

Քարոզները

 

Բացիկներ

 

   
    ԻԵ Տարի, Թիվ 6 (294), հունիս 2024 թ.  


 

       

ՍՈՒՐԲ ԾՆՆԴՅԱՆ ԵՎ ԱՍՏՎԱԾԱՀԱՅՏՆՈՒԹՅԱՆ
ՏՈՆԸ ՍՈՒՐԲ ՀԱԿՈԲՈՒՄ

ՃՐԱԳԱԼՈՒՅՑԻ Ս. ՊԱՏԱՐԱԳ

րբազան արարողությունն սկսվեց Դանիել մարգարեի թղթերի ընթերցմամբ: «Հայր մեր»-ից առաջ դիմելով ներկա հավատացյալներին՝ օրվա պատարագիչ Տ. Վարուժան ավագ քհն. Տերտերյանը հանգամանալից մեկնեց օրվա խորհորդը, առանձնակի անդրադարձ կատարեց Ճրագալույցի իմաստային նշանակությանն ու դերին քրիստոնյայի կյանքում:

Սուրբ Պատարագից հետո հավատացյալներն իրենց օջախները տարան վառված մոմեր: Այն խորհրդանշում է Բեթղեհեմյան աստղը, որն առաջնորդեց մոգերին դեպի Հիսուս Մանկան մսուրը: Սուրբ Ծննդյան աստղն իր զորությամբ առավել էր արեգակից, որովհետեւ ցերեկով էլ էր երեւում, հար եւ նման Հին Կտակարանի ամպի սյանը, ինչպես գրում է Հովհան Ոսկեբերանը:

ՍՈՒՐԲ ԾՆՆԴՅԱՆ Ս. ՊԱՏԱՐԱԳ

Հունվարի 6-ին նույնպես մարդաշատ էր Ս. Հակոբ եկեղեցին ու եկեղեցու բակը: Անի թաղամասի բարեպաշտ հավատացյալները եկել էին Հիսուս Մանկան՝ Սուրբ Ծնունդն ավետող արարողակարգին ներկա գտնվելու, վառելու իրենց մոմերը եւ աղոթք առաքելու առ նորածին Մանուկը՝ հայցելով նրանից բարեգթություն: Օրվա պատարագիչն էր Տ. Ռուբեն քհն. Գասպարյանը: Սրբազան արարողակարգի ընթացքում՝ «Հայր մեր»-ից առաջ, ընթերցվեց Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի Սուրբ Ծննդյան պատգամը:

ՋՐՕՐՀՆՅԱՑ ԿԱՐԳ

Սուրբ Ծննդյան Պատարագից հետո կատարվեց ջրօրհնեքի արարողություն, որը խորհրդանշում է Հորդանան գետում Հիսուսի մկրտությունը: Հատուկ աղոթքով եւ շարականների երգեցողությամբ ջուրն օրհնվեց Ավետարանով, Սուրբ Խաչով եւ սրբագործվեց սրբալույս Մյուռոնով: Այնուհետեւ արդեն ջրում եղող խաչը, «Պահպանիչ» աղոթքի ընթացքում, հանվեց եւ տրվեց օրվա խաչի կնքահորը՝ Ռաֆայել Գարեգինյանին:

Սուրբ Հակոբ եկեղեցու հոգեւոր հովիվ Տ. Վարուժան ավագ քհն. Տերտերյանը, շնորհավորելով եկեղեցու տարվա խաչքավորին, նշեց. «Պարոն Գարեգինյանը հարգված եւ սիրված է մեր քաղաքում եւ քաղաքի նվիրյալ զավակներից է, բայց այսօր ցանկանում ենք, որ այս Սուրբ Խորանից էլ ճանաչեք նրան: Պատիվն իրեն, փառքն Աստծուն»:

Վերջում օրհնված ջուրը բաժանվեց ներկա հավատացյալներին:

ԼՈՒՍԻՆԵ ԳՐԻԳՈՐՅԱՆ

>>>

 
     
         


 

 

Ընթացիկ համար Քեզ համար Մանուկներին Արխիվ   Քարոզները