Ընթացիկ համար

Քեզ համար   

Մանուկներին

Արխիվ

Քարոզները

Բացիկներ

ԱՄԱՆՈՐՅԱ ՀԱՆԴԻՍՈՒԹՅՈՒՆ ՍՈՒՐԲ ՀԱԿՈԲՈՒՄ

ավատարիմ մնալով ավանդությանը՝ Սուրբ Հակոբ եկեղեցու մշակութային բաժինն այս տարի նույնպես կազմակերպեց եւ անցկացրեց ուրախ հանդիսություն՝ Ամանորի եւ Սուրբ Ծննդյան տոների առիթով:

Դեկտեմբերի 21-ին Սուրբ Հակոբի հանդիսությունների սրահում մեկտեղված երեխաներին Ձմեռ պապի կողմից անակնկալ էր սպասվում: Սիրված ու սպասված պապիկի նվերն իր թոռնիկներին «Հովվուհին եւ ծխնելույզ մաքրողը» հեքիաթ-ներկայացումն էր, որը բեմականացրին Երեւանի թատրոնի եւ կինոյի պետական ինստիտուտի Գյումրու մասնաճյուղի դերասանա-ռեժիսորական բաժնի երրորդ կուրսի ուսանողները՝ դասղեկ Ռաֆայել Ասատրյանի գլխավորությամբ:

Ինչպես բոլոր հեքիաթներում՝ այստեղ եւս հաղթեցին սերն ու բարությունը: Բեմադրող ռեժիսորի նորովի մոտեցումը, դերասանական փայյլուն խաղն Անդերսենի հեքիաթը դարձրել էին առավել հետաքրքիր: Ներկայացումն անչափ դուր եկավ թե՛ փոքրերին եւ թե՛ սրահում գտնվող ծնողներին:

Ներկայացումից հետո երեխաներն անհամբեր սպասում էին Ձմեռ պապին, որն իրեն երկար սպասեցնել չտվեց եւ դահլիճ մտավ ուրախ երաժշտության ներքո՝ ներկաներին փոխանցելով ամանորյա բարեմաղթանքներ: Ձմեռ պապն իր հետ բերել էր քաղցրավենիքի տոպրակներ, որոնք բաժանեց սիրելի թոռնիկներին:

Ուրախ տրամադրությունը ներկայացումից հետո էլ դեռ երկար էր իշխում «Սուրբ Հակոբ» մշակութային բաժնում: Երեխաները Ձմեռ պապի եւ հեքիաթի հերոսների հետ պարեցին, ինչպես նաեւ լուսանկարվեցին:

Ամանորյա միջոցառումն այս տարի նույնպես կազմակերպվել էր նորվեգացի բարերար Օլա Օստվեյտի ֆինանսական աջակցությամբ:

ԼՈՒՍԻՆԵ ԳՐԻԳՈՐՅԱՆ
ԼՈՒՍԱՆԿԱՐՆԵՐԸ՝ ՎԱՐԴԱՆ ՀԱԿՈԲՅԱՆԻ

>>>