Ընթացիկ համար

Քեզ համար   

Մանուկներին

Արխիվ

Քարոզները

Բացիկներ

ԿԻՐԱԿՆՕՐՅԱ ՆՈՐ ԴՊՐՈՑ ԲԱՅԱՆԴՈՒՐ ՀԱՄԱՅՆՔՈՒՄ

իրակնօրյա դպրոցները մեր երեխաների հոգին կրթելու, ազգային եւ հոգեւոր արժեհամակարգն ինքնության հիմք դարձնելու լավագույն միջոցներն են: Առաջնորդվելով այս հրամայականով՝ Շիրակի թեմի հավատավոր հայորդիները ոչ մի ջանք չեն խնայում՝ մանուկ սերնդին հոգեւոր գիտելիքներ ջամբելու, Հայոց Եկեղեցի առաջնորդելու ճանապարհին:

Ասվածի վառ դրսեւորումներն են գործող կիրակնօրյա դպրոցները, այդ թվում նաեւ Ազատանի հովվությունում բացված եւ շուրջ երկու ամիս գործող թվով չորրորդ կիրակնօրյան: Այս անգամ կիրակնօրյա դպրոց հաճախելու, Աստծո խոսքին ունկնդիր լինելու եւ Հայոց Եկեղեցու տոներին ու ծեսերին հաղորդ լինելու հնարավորություն են ստացել Բայանդուր բնակավայրի երեխաները:

Կիրակնօրյա դասընթացներին մասնակցում են ութից տասնվեց տարեկան շուրջ հիսուն երեխա, ովքեր մեծ ոգեւորությամբ ու հետաքրքրասիրութամբ են լսում եւ սովորում մատուցվող թեմաները, ստանում իրենց հուզող հարցերի պատասխանները:

Այս գաղափարը կյանքի կոչվեց աջակցությամբ Բայանդուրի վարչական ղեկավար տիար Բաբկեն Սաղաթելյանի, որ օգնեց տարածք տրամադրելու հարցում, Իրինա Բաղդասարյանի, որ ամեն ջանք ի գործ դրեց՝ կազմակերպչական հարցերը լավագույնս իրականացնելու համար:

Մեծ է աջակցությունը նաեւ Թերեզա Մխիթարյանի, քանի որ վերջինս անցկացվող դասընթացները դարձնում է առավել աշխույժ, ուսանելի ու հետաքրքիր:

ԳՈՀԱՐ ԳԱԼՏԱԳԱԶՅԱՆ
ԼՈՒՍԱՆԿԱՐՆԵՐԸ՝ ՀԵՂԻՆԱԿԻ

>>>