| ԳՅՈՒՏ
ԳՈՏՎՈ ՍՈՒՐԲ ԱՍՏՎԱԾԱԾՆԻ
 ստվածամորը
նվիրված տոների ոսկե շղթայի յուրահատուկ օղակներից մեկն է հանդիսանում
նրա գործածած գոտու գյուտը նշանավորող տոնը, որ Հայաստանյայց Առաքելական
Սուրբ Եկեղեցու համար հետսամուտ է:
Մեծն Թեոդոսի որդի Արկադիոս կայսրը (395-408) փնտրել է տվել Աստվածածնի
գոտին եւ, գտնելուց հետո, այն եւս բերվել է Կոստանդնուպոլիս, դրվել
փոքրիկ արկղի մեջ եւ, կնքվելով արքունի մատանիով, պահվել Սուրբ Աստվածածին
նորաշեն եկեղեցում: Ս. Աստվածամոր տփի եւ գոտու գյուտերին նվիրված
տոները մեր Եկեղեցու տոնացույցի մեջ են անցել Սիմեոն Երեւանցի Կաթողիկոսի
կողմից՝ 1774 թվականին:
Սուրբ Կույսի գոտու գտնվելը տոնում ենք, որպեսզի, վեհիշելով այս
պատմությունը,մեկ անգամ եւս հիշենք Սուրբ Աստվածածնին եւ նրա միջոցով
փառավորենք Քրիստոսին: Ս. Աստվածածինն իր դերով շատ մեծ է քրիստոնեական
մտածողության մեջ: Նա է համարվում գլխավոր բարեխոսը ողջ մարդկության՝
«Սուրբ Աստվածածինն եւ զամենայն սուրբս բարեխօս արասցուք առ Հայր
ի երկինս…»: Եվ պատահական չէ, որ հայկական եկեղեցիների բոլոր խորանները
զարդարում են Ս. Աստվածածնի հրաշագեղ պատկերները՝ որպես երկնային
դուռ ողջ մարդկության. «Աստվածածին՝ երկնային դուռն աստվածային»:
Ս. Կույս Մարիամն ավետման օրվանից դարձավ աստվածակիր եւ աստվածամայր,
քանի որ իր որովայնում կրեց Աստվածայինը, որով վեր բարձրացրեց կնոջ
կերպարը մեղսական վիճակից՝ դառնալով յուրաքանչյուր քրիստոնյա զավակի
համար սիրելի մոր կերպար:
ՍՈՒՐԲ ՊԱՏԱՐԱԳ ՍՈՒՐԲ ԱՍՏՎԱԾԱԾԻՆ ԵԿԵՂԵՑՈՒՄ
Սեպտեմբերի 1-ին՝ Աստվածածնի գոտու գյուտի տոնի ուրախ առիթով, Սուրբ
Աստվածածին առաջնորդանիստ մայր եկեղեցում մատուցվեց Սուրբ եւ անմահ
Պատարագ: Օրվա պատարագիչ էր Տ. Շիրակ ավգ. քհն. Առաքելյանը: Սրբազան
արարողակարգի ընթացքում՝ «Հայր մեր»-ից առաջ, օրվա խորհուրդը մեկնող
քարոզ խոսեց Տ. Հուսիկ քհն. Գրիգորյանը՝ հանգամանալից անդրադառնալով
նաեւ տոնի դերին ու նշանակությանը յուրաքանչյուր քրիստոնյա մարդու
եւ հատկապես կնոջ կյանքում:
ԱԼՎԱՐԴ ԿԱՂԶՎԱՆՑՅԱՆ
>>>
|
|
