Լրահոսից
2 դեկտեմբերի - Տոն սրբոց առաքելոցն
եւ առաջին լուսավորչացն մերոց Թադեոսի եւ Բարդուղիմեոսի - Տոնի ուրախ
առիթով առաջնորդանիստ Ս. Աստվածածին եկեղեցում մատուցվեց Սուրբ եւ
անմահ Պատարագ: Օրվա պատարագիչն էր Տ. Շիրակ ավգ. քհն. Առաքելյանը:
Հընթացս սրբազան արարողակարգի՝ «Հայր մեր»-ից առաջ, օրվա խորհուրդը
մեկնեց եւ հանգամանալից քարոզ խոսեց Տ. Հուսիկ քհն. Գրիգորյանը:
3 դեկտեմբերի - Ս. Յոթվերք մայր եկեղեցում մատուցվեց
Սուրբ եւ անմահ Պատարագ: Օրվա պատարագիչն էր Տ. Շիրակ ավգ. քհն.
Առաքելյանը: Սրբազան արարողակարգի ընթացքում՝ «Հայր մեր»-ից առաջ,
օրվան պատշաճող քարոզ խոսեց Տ. Հուսիկ քհն. Գրիգորյանը:
7 դեկտեմբերի - Սուրբ Ամենափրկիչ եկեղեցում մատուցվեց
ոգեկոչման Սուրբ եւ անմահ Պատարագ: Օրվա պատարագիչն էր Տ. Արսեն
ավգ. քհն. Սիմոնյանը: Հընթացս սրբազան արարողակարգի՝ «Հայր մեր»-ից
առաջ, հավուր պատշաճի քարոզ խոսեց պատարագիչ Տեր Հայրը:
9 դեկտեմբերի - Հղություն Ս. Աստվածածնի: Ս. Աստվածածին
եկեղեցում, տոնի ուրախ առիթով, մատուցվեց Սուրբ եւ անմահ Պատարագ:
Օրվա պատարագիչն էր Տ. Թաթուլ ավգ. քհն. Հակոբյանը: Հընթացս սրբազան
արարողակարգի՝ «Հայր մեր»-ից առաջ, օրվա խորհուրդը մեկնեց պատարագիչ
Տեր Հայրը:
10 դեկտեմբերի - Ս. Յոթվերք եկեղեցում Սուրբ եւ
անմահ Պատարագ մատուցեց Տ. Թաթուլ ավգ. քհն. Հակոբյանը: Սրբազան
արարողակարգի ընթացքում՝ «Հայր մեր»-ից առաջ, ոգեշունչ քարոզ խոսեց
պատարագիչ Տեր Հայրը՝ «Ոչ միայն ի Նա հավատալ, այլեւ վասն Նորա չարչարից»
բնաբանով:
Նույն օրը Շիրակի թեմի Առաջնորդ Տ. Միքայել արքեպս. Աջապահյանը եղավ
Ս. Ամենափրկիչ եկեղեցում, ուր Սուրբ եւ անմահ Պատարագ մատուցեց Տ.
Ավետիք աբղ. Սողոմոնյանը:
11 դեկտեմբերի - Ս. Մինասին նվիրված տոնի ուրախ
առիթով համանուն մատուռում մատուցվեց ուխտի Սուրբ եւ անմահ Պատարագ:
Օրվա պատարագիչն ու քարոզխոսն էր Տ. Հակոբ քհն. Գրիգորյանը:
16 դեկտեմբերի - Տոն Ս. Հակոբ Մծբնա Հայրապետի,
Մարուգե ճգնավորի եւ Մելիտոս եպիսկոպոսի: Անի թաղամասի Ս. Հակոբ
եկեղեցում, տոնի ուրախ առիթով, մատուցվեց Սուրբ եւ անմահ Պատարագ՝
ձեռամբ Տ. Միքայել վրդ. Գեւորգյանի: Սրբազան արարողակարգի ընթացքում՝
«Հայր մեր»-ից առաջ, օրվա խորհուրդը մեկնող քարոզ խոսեց պատարագիչ
Հայր Սուրբը:
17 դեկտեմբերի - Սուրբ Յոթվերք մայր եկեղեցում
մատուցվեց Սուրբ եւ անմահ Պատարագ: Օրվա պատարագիչն ու քարոզխոսն
էր Տ. Հուսիկ քհն. Գրիգորյանը:
24 դեկտեմբերի - Առաջնորդանիստ Սուրբ Աստվածածին
եկեղեցում Սուրբ եւ անմահ Պատարագ մատուցեց Տ. Շիրակ ավգ. քհն. Առաքելյանը,
հընթացս որի՝ «Հայր մեր»-ից առաջ, հավուր պատշաճի քարոզ խոսեց Տ.
Հուսիկ քհն. Գրիգորյանը:
31 դեկտեմբերի - Սուրբ Յոթվերք եկեղեցում, ձեռամբ
Տ. Թաթուլ ավգ. քհն. Հակոբյանի, մատուցվեց Սուրբ եւ անմահ Պատարագ:
Սրբազան արարողակարգի ընթացքում՝ «Հայր մեր»-ից առաջ, հանգամանալից
քարոզ խոսեց պատարագիչ Տեր Հայրը:
>>> |
|