ՈԳԵԿՈՉՎԵՑ
ՍՈՒՐԲ ՍՏԵՓԱՆՈՍԻ ՀԻՇԱՏԱԿԸ
եկտեմբերի
26-ին, Հայ Առաքելական Եկեղեցին նշեց Ս. Ստեփանոս Նախավկայի տոնը:
Սուրբն այն յոթը սարկավագներից մեկն էր, որ ընտրվեցին առաքյալների
կողմից: Նրանք Քրիստոնեական Եկեղեցու առաջին սպասավորներն էին՝ ընտրված
սիրո ճաշի՝ ագապեի սեղաններն սպասավորելու, աղքատների ու կարիքավորների
մասին հոգ տանելու համար:
Սուրբ
Ստեփանոսն իր սպասավորության մեջ քաջ էր ու արի, լի էր Սուրբ Հոգով
ու փայլում էր հավատքով: Նրա անմնացորդ սիրո ու նվիրումի մասին են
Գործք Առաքելոցի 6-8-րդ գլուխները. «Ստեփանոսը՝ շնորհներով եւ զորությամբ
լցված մի մարդ, ժողովրդի մեջ զարմանալի գործեր եւ մեծամեծ նշաններ
էր անում» (Գործք Զ 8): Նա առաջինն էր, ով իր կյանքով վկայեց Հիսուս
Քրիստոսին՝ նահատակվելով Նրա համար:
Սրբի հիշատակության օրն Ազատանի Ս. Հարություն - Ս. Ստեփանոս եկեղեցու
ուխտի օրն է: Այն սկսվեց ուխտի խաչերթով: Գյուղի մուտքից, հոգեւորականների
առաջնորդությամբ, հավատացյալներն աղոթքներով, շարականների երգեցողությամբ
քայլեցին դեպի եկեղեցի, ուր մատուցվեց Սուրբ եւ անմահ Պատարագ՝ ձեռամբ
Տ. Մակար քհն. Գալամդարյանի:
Պատարագի ընթացքում հայցելով Սրբի բարեխոսությունը՝ ներկաներն աղոթեցին
երկրի զորացման, ժողովրդի՝ ի Քրիստոս միասնության, հայոց բանակի
անսասանության, վիրավորների ապաքինման, գերիների վերադարձի, անհայտ
կորածների հայտնության եւ մեր պետականության հարատեւության համար:
ԳՈՀԱՐ ԳԱԼԹԱԳԱԶՅԱՆ
>>>
|
|