Քրիստոսով թող բացվեն դռները
Նոր Տարվա: Քրիստոսով ու հայրենիքի սիրով միացած զավակները մեր ազգի թող
կերտեն ազատ ճանապարհն
իրենց նոր կյանքի:

 
ՎԱԶԳԵՆ Ա ԿԱԹՈՂԻԿՈՍ

 

Ընթացիկ համար

 


Քեզ համար   

 


Մանուկներին

 


Արխիվ

 

Քարոզները

 

Բացիկներ

 

   
    ԻԴ Տարի, Թիվ 1 (277), հունվար 2023 թ.  


 

       

ՀԱՆԿԱՐԾ ՎԱՌ ՇՈՂԵՐՈՎ ՄԻ ԱՍՏՂ ՀԱՅՏՆՎԵՑ
ԱՇԽԱՐՀԻՆ. ԲԱՐԻ ԼՈՒՐ...
ՍՈՒՐԲ ԾՆՆԴՅԱՆ ԵՎ ԱՍՏՎԱԾԱՀԱՅՏՆՈՒԹՅԱՆ ՏՈՆՆ ԱԶԱՏԱՆՈՒՄ

ունվարի 5-ի երեկոյան Ազատանի Ս. Հարություն - Ս. Ստեփանոս եկեղեցում մատուցվեց Ճրագալույցի Սուրբ եւ անմահ Պատարագ, որի ավարտին հավատացյալներն օրհնված լույս տարան իրենց տները: Սակայն մինչ լույսի բաշխումը, եկեղեցու կիրակնօրյա դպրոցի ավագ խմբի սաները, Սուրբ Ծննդյան գեղեցիկ շարականով, իրենց նվերը բերեցին ներկա հավատացյալներին:

Հունվարի 6-ին Սուրբ Ծննդյան եւ Աստվածահայտնության Պատարագ մատուցվեց ձեռամբ արժանապատիվ Տ. Մակար քհն. Գալամդարյանի: Հավարտ սրբազան արարողության կատարվեց Ջրօրհնյաց կարգ, որ խորհրդանշում է մեր Տեր Հիսուս Քրիստոսի մկրտությունը Հորդանան գետում, երբ Սուրբ Հոգին աղավնակերպ իջավ Քրիստոսի վրա եւ երկնքից լսվեց Հայր Աստծո ձայնը, որ ասաց. «Դա է իմ սիրելի Որդին, որն ունի իմ ամբողջ բարեհաճությունը, Նրան լսեցե՛ք»:

Հայ Առաքելական Սուրբ Եկեղեցին Ջրօրհնեքը կատարում է Սուրբ Խաչով եւ սրբալույս Մյուռոնով, որը մեր Եկեղեցում Սուրբ Հոգու խորհրդանիշն է եւ, եկեղեցական ձեւավորված ավանդույթի համաձայն, արարողությունն ունի խաչքավոր:

Այս տարի՝ 2023 թվականին, Ազատանի Սուրբ Հարություն - Սուրբ Ստեփանոս եկեղեցու խաչքավորն է Արտուշ Աբրահամյանը:

Հավարտ Սուրբ Պատարագի, խաչքավորի եւ նրա ընտանիքի կողմից, հանուն մեր հայրենիքի զորացման, կատարվեց մատաղուրհնություն:

ԳՈՀԱՐ ԳԱԼԹԱԳԱԶՅԱՆ

>>>

 
     
         


 

 

Ընթացիկ համար Քեզ համար Մանուկներին Արխիվ   Քարոզները