| ՆՌՆՕՐՀՆԵՔ
ԱԶԱՏԱՆ ՀԱՄԱՅՆՔՈՒՄ
  րդեն
մի քանի տարի է, ինչ, Ն.Ս.Օ.Տ.Տ. Գարեգին Բ Ծայրագույն Պատրիարք
եւ Ամենայն Հայոց Կաթողիկոսի տնօրինությամբ, Ամանորի գիշերը Մայր
Աթոռ Սուրբ Էջմիածնում եւ Հայ Առաքելական Եկեղեցու բոլոր եկեղեցիներում
կատարվում է Գոհաբանական աղոթք եւ Նռնօրհնեքի արարողություն:
Ինչպես բոլոր եկեղեցիները, այնպես էլ Ազատանի Ս. Հարություն - Ս.
Ստեփանոսն Ամանորի տոնական գիշերը բազմամարդ էր: Մեծաթիվ ընտանիքներ
Նոր տարին դիմավորեցին եկեղեցում:
Ժամը 24:00-ին, Ազատան համայնքի հոգեւոր հովիվ Տ. Մակար քահանա Գալամդարյանի
հետ, Տերունական աղոթքով մուտք գործեցինք 2023 Փրկչական տարի: Կատարվեց
Գոհաբանական աղոթք եւ Նռնօրհնեք:
Հայկական ավանդության մեջ նուռը, իբրեւ ազգային խորհրդանիշ, կրում
է կյանքի, ծաղկունքի եւ առատության իմաստը: Քրիստոնեական խորհրդաբանության
մեջ նուռը խորհրդապատկերն է Հիսուս Քրիստոսի հեղած արյան՝ խորհրդանշելով
նաեւ Տիրոջ հրաշափառ Հարությունն ու Աստծու շնորհների բազմազանությունը:
Հայոց Եկեղեցու վարդապետների եւ հայրերի մեկնություններում նուռը
ներկայացվում է նաեւ այն խորհրդաբանությամբ, որ, նռան հատիկների
պես, Եկեղեցու անդամները շատ ու բազմատեսակ են, սակայն նռան նման
պատված են պինդ կեղեւով` միավորված լինելով մեկ Եկեղեցու մեջ:
 Նռնօրհնեքով,
ասես, պատրասվում ենք հոգեւոր կարեւորագույն իրողության՝ մեր Տեր
Հիսուս Քրիստոսի Ծննդյան եւ Աստվածահայտնության տոնին:
ԳՈՀԱՐ ԳԱԼԹԱԳԱԶՅԱՆ
>>>
|
|
