ոյեմբերի
2-ին, Շիրակի թեմի բարեխնամ Առաջնորդ Տ. Միքայել արքեպս. Աջապահյանի
օրհնությամբ, Սուրբ Հակոբ եկեղեցու երեխաների զարգացման կենտրոնի
սաների համար, թեմի «Դրախտիկ» պարտեզում անցկացվեց գողտրիկ միջոցառում՝
«Վերադարձ իրական մանկություն» խորագրով:
Միջոցառման նպատակն էր երեխաներին վերադարձնել, արդեն մոռացված,
իրական մանկական խաղերը, որոնք կրում էին «Բադեր եւ որսորդներ»,
«Կլաս», «Յոթը քար», «Պահմտոցի», «Անուն կանչոցի» անվանումները:
«Դրախտիկ» պարտեզում ոսկե աշուն էր. ծառերն աչք շոյող գույներ էին
«հագել»: Բազմագույն տերեւները, նախշուն գորգի պես, փռվել էին գետնին
ու շողշողում էին աշնան արեւի վերջին շողերի ներքո: «Դրախտիկ»-ի
անդորրը խաթարվեց երեխաների խինդ ու ծիծաղով, եւ շուրջբոլորն է՛լ
ավելի կենդանացավ:
Փոքրիկները
նախ բաժանվեցին երկու խմբի եւ սկսեցին մրցել տարբեր խաղերում, որոնք
մանկավարժներն ու կամավորները պատրաստել էին նրանց համար: Մինչ նրանք
խաղում էին ու ճաշակում ծառերի քաղցրանուշ, Գյումրվա արեւից քաղցրացած
գունավառ խնձորները, ծնողների հետ անցկացվեց հետաքրքրաշարժ զրույց՝
վերոնշյալ ու նմանատիպ խաղերի կարեւորության, երեխաների ֆիզիկական
ու հոգեւոր բնականոն զարգացման մասին: Միասնական սիրո ճաշից հետո,
որին նաեւ միացան բարեշնորհ Արտաշես եւ Խաչատուր սարկավագները, բոլորը
խմբովի լուսանկարվեցին:
Օրվա վերջում փոքրիկներն ու «մեծիկները» բռնեցին տունդարձի ճամփան՝
ուրախ տրամադրությամբ եւ կրկին վերադառնալու ակնկալիքով: Նրանք հրաժեշտ
տվեցին «Դրախտիկ» պարտեզին՝ իրենց հետքը կավճանկարների տեսքով թողնելով
ծա-ռաշատ ճեմուղիներին:
ոյեմբերի
2-ին, Շիրակի թեմի բարեխնամ Առաջնորդ Տ. Միքայել արքեպս. Աջապահյանի
օրհնությամբ, Սուրբ Հակոբ եկեղեցու երեխաների զարգացման կենտրոնի
սաների համար, թեմի «Դրախտիկ» պարտեզում անցկացվեց գողտրիկ միջոցառում՝
«Վերադարձ իրական մանկություն» խորագրով: 
Փոքրիկները
նախ բաժանվեցին երկու խմբի եւ սկսեցին մրցել տարբեր խաղերում, որոնք
մանկավարժներն ու կամավորները պատրաստել էին նրանց համար: Մինչ նրանք
խաղում էին ու ճաշակում ծառերի քաղցրանուշ, Գյումրվա արեւից քաղցրացած
գունավառ խնձորները, ծնողների հետ անցկացվեց հետաքրքրաշարժ զրույց՝
վերոնշյալ ու նմանատիպ խաղերի կարեւորության, երեխաների ֆիզիկական
ու հոգեւոր բնականոն զարգացման մասին: Միասնական սիրո ճաշից հետո,
որին նաեւ միացան բարեշնորհ Արտաշես եւ Խաչատուր սարկավագները, բոլորը
խմբովի լուսանկարվեցին: 