Մանուկների ուրախությունն ու ժպիտը մեր փառքն
են, իսկ արցունքները՝
մեր խայտառակությունը:

  ՄԻՔԱՅԵԼ ԱՐՔԵՊՍ. ԱՋԱՊԱՀՅԱՆ

 

Ընթացիկ համար

 


Քեզ համար   

 


Մանուկներին

 


Արխիվ

 

Քարոզները

 

Բացիկներ

 

   
    ԻԳ Տարի, Թիվ 6 (270), հունիս 2022 թ.  


 

       

ՀԵԾԱՆՎՈՐԴԸ

աղ առավոտյան` մթնշաղին, մի երիտասարդ իր հեծանիվն է կարգի բերում: Հիսուս մոտենում է նրան ու հարցնում.

- Այդ ի՞նչ ես անում.

Երիտասարդը, առանց ուշադրություն դարձնելու, պատասխանում է.

- Երեկ հանդիպեցի մի մարզիկի, ով ասաց, թե ինքը «ես»-ի վարպետ է, «ես»-ի մասնագետ, բարեհաջող կերպով մարդկանց «ես»-ն է մարզում ու ինձ մի լավ խորհուրդ տվեց, որ վաղ առավոտյան հեծանվով արագ գնամ-հասնեմ ուխտատեղի, ուր, Ս . Զատկի կապակցությամբ, մեծ միջոցառում է լինելու: Ինչպե՞ս գլխի չէի ընկել, բոլորից շուտ կհասնեմ. այնքա՜ն շատ բան կա անելու միջոցառման համար: Քրիստոնեական ծառայությունն ինձ համար շատ կարեւոր է: Ինչքան շատ բան կարողանամ անել, այնքան լավ, ինչքան շատ հոգեւոր փորձառություն ձեռք բերեմ, այնքան լավ: Ես չեմ կարող հենց այնպես ապրել, ես պետք է հնարավորինս արագ ու շատ գործեմ: Իսկ այժմ ժամանակ չկա, պետք է գնամ:

Երիտասարդն արագ նստում է իր հեծանիվը եւ սլանում դեպի ուխտատեղի: Քանի որ դեռ ամբողջովին չէր լուսացել եւ լավ չէր երեւում ճանապարհը, ընկնում է մի մեծ փոսի մեջ:

Փոքր-ինչ անց, ցավից տնքալով, կանգնում է ու նայում վերեւ, արդեն ամբողջովին լուսաբաց էր եւ նկատում է մարզիկին, որ փոսի եզրից իրեն է նայում:

- Շատ եմ ցավում, բայց դու մի մեծ փոսի մեջ ես ընկել ու ինքնուրույն չես կարող դուրս գալ այս փոսից: Ինչ արած, այստեղ էլ կմնաս եւ ո՛չ ուխտատեղի կհասնես, ո՛չ էլ այստեղից այլեւս դուրս կգաս, իսկ ես չեմ կարող օգնել, պետք է շտապեմ, դեռ շատ մարդկանց խորհուրդներ պետք է տամ,-ասում է մարզիկն ու անհետանում:

Երիտասարդը շատ է տխրում, անդադար փորձեր կատարում՝ փոսից դուրս գալու համար, սակայն ապարդյուն, քանի որ այն բավականին խորն է լինում:

Այդ պահին կրկին նայում է դեպի վեր ու Հիսուսին տեսնում:

Հիսուս հարցնում է` մի պարան երկարելով դեպի երիտասարդը.

- Այդ ի՞նչ ես անում:

- Տե՛ր, այդ Դու էիր վաղ առավոտյան ինձ հարցնում, թե ի՞նչ եմ անում: Ների՛ր ինձ, չճանաչեցի Քեզ... շատ էի զբաղված...

Երբեմն քրիստոնյաները չափից ավելի են տարվում հոգեւոր փորձառություն ձեռք բերելու, քրիստոնեական ծառայություն իրագործելու ցանկությամբ` մոռանալով, որ Հիսուս ասում է. «Եղեք կատարյալ, ինչպես Ձեր Երկնավոր Հայրն է կատարյալ» եւ մարդուց կատարյալ գործեր ու ծառայություն չի պահանջում, այլ կամենում է, որ մարդ իր հոգեւոր էությունը կատարյալ դարձնի:

Իսկ սատանան աշխատում է մարդուն գցել մեղքի մեջ, մանավանդ քրիստոնեական մեծ տոների հիշատակության ժամանակ, որպեսզի ով ձգտում է կատարյալ գործեր անել, ավելի դատապարտի ու անարժան համարի նրան եւ հուսալքության մատնի: Քրիստոսի համար ավելի կարեւոր ենք հենց ինքներս, քան մեր ծրագրավորված գործերն ու նպատակները: Ի՞նչ արժեք ունի, եթե ամբողջ աշխարհը շահենք, բայց մեր անձը կորցնենք...

>>>

 
     
         


 

 

Ընթացիկ համար Քեզ համար Մանուկներին Արխիվ   Քարոզները