ԿԱՍԿԱԾԱՄԻՏԸ
ի
եգիպտացի շատ է տխրում, քանի որ իր ջրհորը չորանում է, եւ ինքը մնում
է առանց ջրի: Սակայն նա նաեւ որեւէ մեկի առջեւ չի բացում իր տան
բակի դարպասները, որ իրեն ջուր բերեն, որովհետեւ մտածում է՝ կարող
է մտնեն տուն եւ իր թաքցրած գանձերը գտնեն ու առգրավեն: Եգիպտացին
շարունակ Աստծուց օգնություն է խնդրում, որ ջուր ունենա եւ իր ծարավը
հագեցնի: Հերթական անգամ նրա դուռը թակում է հարեւանն ու ասում.
-
Վերցրու այս կժով լի ջուրը, ծարավդ հագեցրու:
Եգիպտացին խոժոռվում է եւ մտածում՝ այս հարեւանն ինչո՞ւ է այդքան
շատ ուզում իրեն օգնել, հավանաբար արդեն տեղյակ է, թե որտեղ են իր
տան գանձերը, ուզում է դրանք գողանալ եւ պատասխանում է.
-Ես սպասում եմ, որ Աստված ինձ օգնի եւ հավատում եմ, որ կօգնի: Շնորհակալություն,
ինձ ոչինչ հարկավոր չէ:
Օրեր են անցնում եւ եգիպտացին, ծարավից տոչորվելով, բողոքում է,
որ Աստված իրեն չի աջակցում: Բայց այնուհետեւ խորհում է, թե Աստված
արդյո՞ք կօգնի եւ զգուշությամբ բացում է դարպասը, դուրս նայում ու
տեսնում իր հարեւանին, որ ասում է.
- Վերցրու այս կժով լի ջուրը, ծարավդ հագեցրու:
Եգիպտացին կրկին խոժոռվում է եւ տագնապով պատասխանում.
- Ուզում ես ինձ սպանե՞լ. թունավորված ջուր ես բերել, որպեսզի խմեմ,
այնուհետեւ իմ տան գանձերն առգրավե՞ս: Ուրեմն դու ավազակ ես, այլ
ոչ թե բարի հարեւան:
Հարեւանը պատասխանում է.
-Ճիշտն ասած, ես ոչինչ էլ չեմ բերել, ամեն անգամ, քո տան մոտով անցնելիս,
դարպասիդ առջեւ կժով լի ջուր եմ տեսնում, պարզապես թակում եմ դարպասդ,
որ իմանաս եւ այն վերցնես: Աստծո Նախախնամությունն է այն քեզ ուղարկում,
որ ծարավդ հագեցնես:
Եգիպտացին մռայլվում է եւ արագ փակում դարպասը ու նստում դատարկ
ջրհորի մոտ՝ մտածելով. «Հաստատ ուզում են ինձ ծուղակը գցել եւ իմ
գանձերը գողանալ»:
Իսկ իրականում նա ոչ մի գանձ էլ չի ունենում, պարզապես երկու պղնձյա
ապարանջան է ունենում, որոնք հենց իր այդ հարեւանն է շատ տարիներ
առաջ նրան նվիրած լինում…
Սուրբ Ամբրոսիոս Օպտինացին ասում է՝ զգուշացիր կասկածամտությունից,
ինչպես կրակից, որովհետեւ մարդկային ցեղի թշնամին նաեւ դրանով մարդկանց
գցում է իր ցանցը եւ ամեն ինչ փորձում ներկայացնել խեղաթյուրված
կերպով` սպիտակը` սեւ եւ սեւը` սպիտակ:
>>>
|
|