ՍՈՒՐԲ
ՀԱՐՈՒԹՅԱՆ ՏՈՆՆ ԱԶԱՏԱՆԻ ՍՈՒՐԲ
ՀԱՐՈՒԹՅՈՒՆ (Ս. ՍՏԵՓԱՆՈՍ) ԵԿԵՂԵՑՈՒՄ
պրիլի
17-ին Ազատանի Սուրբ Հարություն (Սուրբ Ստեփանոս) եկեղեցում կրկնակի
տոն էր, քանի որ Տիրոջ հրաշափառ Հարությունը նաեւ եկեղեցու անվանակոչության
օրն է:
Զատկական Սուրբ Պատարագին ներկա էին մեծաթիվ հավատավոր ազատանցիներ:
Օրվա պատարագիչն էր Ազատանի հովվության հոգեւոր հովիվ Տ. Մակար քհն.
Գալամդարյանը: Սրբազան արարողության ընթացքում՝ «Հայր մեր»-ից առաջ,
պատարագիչ Տեր Հայրն ընթերցեց Ն.Ս.Օ.Տ.Տ. Գարեգին Բ Ամենայն Հայոց
Կաթողիկոսի զատկական պատգամը:
Սուրբ
եւ անմահ Պատարագին հավատավոր ժողովուրդը հաղորդակից դարձավ մեր
Տիրոջ Հարության ավետիսին եւ նորոգվեց Հարության լույսով:
Հավարտ Ս. Պատարագի տարվույս խաչքավոր Գոռ Դավթյանի եւ նրա ընտանիքի
կողմից տրվեց զատկական հյուրասիրություն: Կարմիր հավկիթներով զարդարված
զատկական սեղանն է՛լ ավելի տոնական էր դարձրել եկեղեցու բակը: Ավանդական
հավկթախաղից եւ ճաշակումից հետո բարձր տրամադրությունն ամբողջացավ
ազգային երգ ու պարով: «Հրայրք» (պարուսույց՝ Դավիթ Հարոյան) ավանդական
պարի խմբի պարուսուցումներով եւ միասնական պարերով տոնական օրը դարձավ
անմոռանալի:
Ներկաները պարեցին ազգային, ծիսական եւ վերջում ռազմական պարեր,
որոնցով հիշեցին ու իրենց խոնարհումը դրսեւորեցին մեր նահատակների
հիշատակին, նաեւ մեկ անգամ եւս հարության հավատքով փաստեցին, որ
պետք է զորանանք, նրանց նահատակության սխրանքին արժանի, ազգային
ու հոգեւոր կենսակերպով:
ԳՈՀԱՐ ԳԱԼԹԱԳԱԶՅԱՆ
ԼՈՒՍԱՆԿԱՐԸ՝ ՀԵՂԻՆԱԿԻ
>>>
|
|