ԾԵՐ
ՎԱՆԱԿԱՆԻ ԱՂՈԹՔԸ
ի
ծեր վանական ճգնության տասը տարվա ընթացքում Աստծուն աղոթում էր,
որպեսզի իմանա, թե երկրի վրա ինչո՞ւ են ոմանք հարուստ ծնվում, իսկ
ոմանք՝ աղքատ: Հատկապես նրան հետաքրքրում էր այն փաստը, թե ինչու
են հաճախ տաղանդով օժտված մարդիկ աղքատ, իսկ հարուստները, որ առանձնապես
ոչնչով աչքի չեն ընկնում որպես անհատականություն, ուղղակի հաջողակ
ընտանիքում են ծնվում: Ինչո՞ւ է այդպիսի անարդարաթյուն տեղի ունենում:
Եվ
ահա Աստված ողորմաց եւ Իր հրեշտակին ուղարկեց նրա մոտ: Հրեշտակն
ասաց.
- Ոչինչ չեմ բացատրի քեզ: Ուղղակի աչքերդ փակիր:
Վանականը փակեց աչքերն ու երբ բացեց, հայտնվեց մի ծառի փչակում:
Հրեշտակը շարունակեց.
- Այստեղ երեք օր կմնաս: Հետեւիր այն ամենին, ինչ կկատարվի:
Եվ վանականն սկսեց հետեւել:
Առաջին օրը մի ձիավոր սլացավ՝ սեւաթույր ձիուն հեծած, շողացող զրահներով:
Ծառի մոտով անցնելիս՝ թամբին կապված պարկը պատահաբար արձակվեց ու
վայր ընկավ: Հաջորդ օրը մի գյուղացի եկավ, նստեց ծառի տակ, արձակեց
ուտելիքի կապոցը, որպեսզի ճաշի, բայց հանկարծ նկատեց պարկը: Ապա
տեսավ, որ պարկի մեջ ոսկի է, շատ ուրախացավ եւ, ուտելիքը ծառի տակ
թողնելով, վերցրեց պարկն ու վազելով հեռացավ: Երրորդ օրը մի աղքատ
թափառական էր անցնում, տեսավ ուտելիքն ու ագահությամբ վրա պրծավ
դրան: Չէր հասցրել ճաշն ավարտել, երբ ձիավորը վերադարձավ ու սկսեց
իր փողերը պահանջել: Տանջեց նրան, իսկ հետո, հասկանալով, որ անօգուտ
է, սպանեց: Այստեղ վանականը չդիմացավ ու սկսեց զայրույթից բղավել.
- Դու խոստացար հարցերիս պատասխանը տալ, բայց ես անարդարության եւս
մեկ տեսարանի ականատես եղա:
- Սպասիր,- պատասխանեց հրեշտակը,- հիմա կբացատրեմ տեսածիդ իմաստը:
Այն ձիավորը հարուստ էր, անցնում էր իր կալվածքներով եւ տուրք հավաքում:
Նա, այդ կորցրած պարկի նման, դեռ շատ պարկեր ուներ: Ուղղակի ագահությունը
թույլ չէր տալիս կանգ առնել: Ոսկուց բացի ուրիշ արժեքավոր բան չուներ:
Այն գյուղացին սնանկացել եւ իր ողջ ունեցվածքը գրավի տակ էր դրել:
Երեկ գումարը վճարելու վերջին օրն էր եւ եթե այդ պարկը չգտներ, ապա
ամեն ինչ կկորցներ ու բանտ կընկներ: Բայց նա ամբողջ պարտքը վճարեց
գտած ոսկով ու փրկեց իրեն ու իր ընտանիքը:
Այն աղքատ թափառականը, երիտասարդ տարիքում, հարբած ժամանակ մարդ
էր սպանել: Դրանից հետո ողջ կյանքը տանջվել էր, ունեցվածքն ամբողջությամբ
աղքատներին բաժանել եւ աղաչել էր Աստծուն, որ իրեն տանջալից մահ
տա՝ մեղքը քավելու համար: Երեկ նրա ցանկությունը կատարվեց եւ այժմ
ոչ միայն իր մեղքն է քավել, այլեւ դարձել է սուրբ նահատակ: Իսկ նրան
սպանած ձիավորին կսկսեն մղձավանջները տանջել: Նա կզղջա գործածի համար
ու կսկսի աղքատներին օգնել: Ահա եւ քեզ տարիներ շարունակ հուզուղ
հարցի պատասխանը,- ասաց հրեշտակն ու երկինք սլացավ:
>>>
|
|