ԲՈՒՆ
ԲԱՐԵԿԵՆԴԱՆԻ ՏՈՆԸ ՍՈՒՐԲ ՀԱԿՈԲՈՒՄ
ուն
բարեկենդանը Հայ Առաքելական Սուրբ Եկեղեցու շարժական տոներից է եւ
նշվում է Մեծ պահքի նախընթաց կիրակի օրը: Այդ օրը՝ պահքից առաջ,
Եկեղեցու հոգեւոր դասին եւ հավատավոր ժողովրդին արտոնվում է ճոխ
սեղաններ գցել եւ զվարճանքներ կազմակերպել՝ հաջորդող պահքն ուրախ
սրտով մտնելու եւ երկարատեւ պահոց օրերին դիմակայելու համար:
Բուն բարեկենդանին, զվարճանքներից, երգ ու պարից զատ, կազմակերպում
էին խաղեր ու ներկայացումներ: Գործածում էին հատկապես յուղալի ուտեստներ,
մսեղեն ու կաթնեղեն: Փետրվարի 27-ին Սուրբ Հակոբ եկեղեցու մշակութային
բաժնում տոնախմբվեց Բուն բարեկենդանը: Ի Տարբերություն նախորդ տոնախմբությունների,
որոնցում ներգրավված էին բաժին հաճախող սաները, այս անգամ կազմակերպիչները
ներգրավել էին նաեւ ծնողներն: Նրանցից շատերն անտեղյակ էին, թե ինչպես
են մեր նախնները տոնախմբել ազգային- եկեղեցական տոները եւ դարեր
շարունակ անփոփոխ մեզ փոխանցել ազգային ավանդույթները:
Տոնախմբությունն
սկսվեց Տերունական աղոթքով՝ բարեշնորհ Արտաշես սրկ. Աջապահյանի առաջնորդությամբ,
որից հետո Ս. Հակոբ կիրակնօրյայի ուսուցչուհի Սեդա Մարտիրոսյանը
ներկայացրեց տոնի խորհուրդը եւ դրան հաջորդող պահոց շրջանը:
Մշակութային բաժնի սրահում կազմակերպվել էր նաեւ հյուրասիրություն՝
ուրախ երգ ու պարով, խաղերով ու մրցույթներով: Նախապես երեխաներն
ու ծնողները բաժանվեցին երկուական խմբերի՝ մրցույթներին մասնակցելու
համար: Հաղթողներն արժանացան ներկաների բուռն ծապահարություներին:
Սրահում
բացվել էր երկու տաղավար եւս: Առջինում ներկայացված էին, Բուն բարեկենդանի
տոնին բնորոշ, ազգային ուտեստներ, իսկ եկրորդ տաղավարում Մեծ պահքի
շրջանի ուտեստներ՝ այդ կերպ ներկաներին ի ցույց դնելով ագային ավանդական
խոհանոցն այս շրջանում:
Ներկները սիրով մասնակցեցին տոնական հյուրասիրությանը, որ կազմակերպվել
էր կենտրոնի վաղեմի բարեկամ նորվեգացի Օլա Օստվեյտի ֆինանսական աջակցությամբ:
ԼՈՒՍԻՆԵ ԳՐԻԳՈՐՅԱՆ
ԼՈՒՍԱՆԿԱՐՆԵՐԸ՝ ՀԵՂԻՆԱԿԻ
>>>
|
|