| ՏՅԱՌՆԸՆԴԱՌԱՋԻ
ՏՈՆԸ ՇԻՐԱԿԻ ՄԱՐԶԻ «ԵՐԵԽԱՅԻ ԵՎ ԸՆՏԱՆԻՔԻ» ԱՋԱԿՑՈՒԹՅԱՆ ԿԵՆՏՐՈՆՈՒՄ
 րիստոսի
բերած աստվածային լույսը, Սուրբ Հոգու ներգործությամբ եւ գործակցությամբ,
2000 տարի ի վեր տարածվել եւ շարունակում է սերունդներ կրթել, մարդկությանն
առաջնորդել փրկության ճանապարհով:
 Մեծագույն
քրիստոնեական տերունի տոն է Տյառնընդառաջը, որ շատ իմաստներ ունի:
Ինչպես անուս մարդն է միշտ խարխափում խավարում, այնպես էլ գիտելիքներով
հարուստն է լուսավորում իրեն ու իր շրջապատը:
Տոնին հայերս կրակ ենք վառում: Ցանկացած քրիստոնեական տոն ունի նաեւ
ազգային ավանդություն՝ կապված անցյալի ու ներկայի, հնի ու նորի հետ,
եւ յուրաքանչյուրն էլ յուրովի գեղեցիկ զարդի է նման: Տոնի խորհուրդը
Տիրոջն ընդառաջ գնալու հրավերն է ջահերով ու մոմերով: Ինչպես Նա
խոնարհվեց ու եկավ աշխարհ մեր փրկության համար, այդպես էլ մենք պետք
է գնանք Նրան ընդառաջ:
Քառասնօրյա Հիսուսին Մարիամն ու Հովսեփը Տաճար տարան, ուր նրանց
ընդառաջ եկան Սիմեոն ծերունին եւ Աննա մարգարեուհին: Սիմեոնը Նրան
իր գիրկն առավ եւ օրհնեց Աստծուն (Ղուկ. 28 32): Այս իրողության
շուրջ էին յուրահատուկ ջերմությամբ համախմբվել «Երեխայի եւ ընտանիքի»
աջակցության կենտրոնի ուսուցչական կազմը՝ տնօրենի ժամանակավոր պաշտոնակատար
տիկին Գոհար Յայլոյանի ղեկավարությամբ, սաները: Կիրակնօրյայի ուսուցչուհի
Ալվարդ Կաղզվանցյանը ներկա սաներին, հյուրերին, ծնողներին ծանոթացրեց
տոնի նշանակությանն ու խորհրդին: Անսովոր հմայք ուներ մանկան անմեղ
շուրթերից հնչող Տերունական աղոթքը, որով բացվեց հայտագիրը: Այնուհետեւ,
կենտրոնի բակում, վառվեց Տյառնընդառաջի ավանդական խարույկը, որի
շուրջ բոլորեց ուրախ շուրջպարը, ինչը մեծ հրճվանք ու ոգեւորություն
պատճառեց ներկաներին:
 Ն.Ս.Օ.Տ.Տ.
Գարեգին Բ Ամենայն Հայոց Կաթողիկոսի տնօրինությամբ Տյառնընդառաջի
տոնը՝ փետրվարի 14-ը, հռչակվել է նաեւ նորապսակների օրհնության օր:
Սցենարը զերծ չէր այդ տեսարանից: Զույգեր կազմած սաները ներկայացրին
հարսանիքի տեսարան, «հարսանիքի» մասնակիցների հետ պտտվեցին ու պարեցին
կրակի շուրջը:
Այսպիսով՝ ամեն միջոցառում դեպի Տիրոջ լույսն ընթանալու օրհնության
է արժանացնում, շնորհներ պարգեւում ամենքին, որպեսզի յուրաքանչյուր
ոք եւ հատկապես երեխաները կարողանան կյանքի շեշտը ճիշտ տեղում դնել:
Հանդիսության վերջում տիկին Յայլոյանն իր սրտի խոսքը հղեց ներկաներին:
Բաժանվեցին նաեւ, տոնի ժողովրդական մաս կազմող, աղանձի փոքրիկ կապոցներ,
որոնք պատրաստել էին կենտրոնի խոհարարները:
ԱԼՎԱՐԴ ԿԱՂԶՎԱՆՑՅԱՆ
ԼՈՒՍԱՆԿԱՐՆԵՐԸ՝ ՍՈՒՍԱՆՆԱ ԳՐԻԳՈՐՅԱՆԻ
>>>
|
|
