Լրահոսից
1 հունվարի - Տարեմուտ, Կաղանդ:
Առաջնորդանիստ Սուրբ Աստվածածին մայր եկեղեցում մատուցվեց Ամանորի
Սուրբ եւ անմահ Պատարագ: Օրվա պատարագիչն էր Տ. Ավետիք աբղ. Սողոմոնյանը:
Հընթացս սրբազան արարողակարգի՝ «Հայր մեր»-ից առաջ, օրվան համահունչ
քարոզ խոսեց պատարագիչ Հայր Սուրբը:
2 հունվարի - Ս. Յոթվերք եկեղեցում մատուցվեց Սուրբ
եւ անմահ Պատարագ՝ ձեռամբ Տ. Ավետիք աբղ. Սողոմոնյանի: Սրբազան արարողակարգի
ընթացքում՝ «Հայր մեր»-ից առաջ, ոգեշունչ քարոզ խոսեց պատարագիչ
Հայր Սուրբը:
5 հունվարի - Ճրագալույց Ս. Ծննդյան եւ Աստվածահայտնության:
Սուրբ Յոթվերք եկեղեցում, ձեռամբ Տ. Շիրակ ավգ. քհն. Առաքելյանի,
մատուցվեց Ճրագալույցի Սուրբ եւ անմահ Պատարագ: Սրբազան արարողակարգի
ընթացքում՝ «Հայր մեր»-ից առաջ, հավուր պատշաճի քարոզ խոսեց Տ. Ավետիք
աբղ. Սողոմոնյանը:
6 հունվարի - Տոն Ծննդյան եւ Աստվածահայտնության:
Ս. Աստվածածին, Ս. Նշան, Ս. Գրիգոր Լուսավորիչ եւ Ս. Հակոբ եկեղեցիներում,
տոնի ուրախ առիթով, մատուցվեց Սուրբ եւ անմահ Պատարագ: Օրվա պատարագիչներն
էին թեմակալ Առաջնորդ Տ. Միքայել Արքեպս. Աջապահյանը, Տ. Նշան քհն.
Պանֆյորովը, Տ. Փավստոս քհն. Սարգսյանը, Տ. Վարուժան քհն. Տերտերյանը:
Հընթացս Սուրբ Պատարագի ընթերցվեց Ն.Ս.Օ.Տ.Տ. Գարեգին Բ Ամենայն
Հայոց Կաթողիկոսի Ս. Ծննդյան պատգամը:
7 հունվարի - Հիշատակ մեռելոց: Ս. Յոթվերք առաջնորդանիստ
մայր եկեղեցում մատուցվեց Սուրբ եւ անմահ Պատարագ: Օրվա պատարագիչն
էր Տ. Շիրակ ավգ. քհն. Առաքելյանը: Հընթացս սրբազան արարողակարգի
կատարվեց հոգեհանգստյան կարգ՝ ի հիշատակ համորեն ննջեցելոց:
13 հունվարի - Տոն անվանակոչության Տյառն մերո
Հիսուսի Քրիստոսի: Տոնի ուրախ առիթով Ս. Աստվածածին եկեղեցում Սուրբ
եւ անմահ Պատարագ մատուցեց Տ. Թաթուլ ավգ. քհն. Հակոբյանը: Հընթացս
սրբազան արարողության՝ «Հայր մեր»-ից առաջ, օրվան պատշաճող քարոզ
խոսեց պատարագիչ Տեր Հայրը:
14 հունվարի - Տոն ծննդյան Ս. Հովհաննես Կարապետի:
Ս. Յոթվերք եկեղեցում, հավարտ երեկոյան ժամերգության, հանդիսավոր
թափորով դուրս բերվեց Ս. Հովհաննես Մկրտչի Ս. Աջը՝ ի երկրպագություն
ներկա մեծաթիվ հավատացյալների:
Հիշեցնենք, որ մասունքը վաղուց ի վեր պահվում է Ս. Յոթվերք եկեղեցում:
23 հունվարի - Սուրբ Յոթվերք եկեղեցում մատուցվեց
Սուրբ եւ անմահ Պատարագ: Օրվա պատարագիչն էր Տ. Ստեփանոս քհն. Ավետիսյանը:
Հընթացս սրբազան արարողակարգի՝ «Հայր մեր»-ից առաջ, ոգեշունչ քարոզ
խոսեց պատարագիչ Տեր Հայրը:
30 հունվարի - Ս. Աստվածածին եկեղեցում, ձեռամբ
Տ. Շիրակ ավգ. քհն. Առաքելյանի, մատուցվեց Սուրբ եւ անմահ Պատարագ,
հընթացս որի՝ «Հայր մեր»-ից առաջ, հանգամանալից քարոզ խոսեց Տ. Ստեփանոս
քհն. Ավետիսյանը:
>>> |
|