ԱՄԱՆՈՐԻ
ԵՎ ՍՈՒՐԲ ԾՆՆԴՅԱՆ ՀԱՆԴԻՍՈՒԹՅՈՒՆ
ԿԻՐԱԿՆՕՐՅԱՆԵՐԻ ՍԱՆԵՐԻ ՀԱՄԱՐ
իրակի
թեմի չորս կիրակնօրյա դպրոցների սաների համար, դեկտեմբերի 26-ին,
կազմակերպվեց Ամանորի եւ Սուրբ Ծննդյան հանդիսություն` Շիրակ մոլի
մանկական հանդիսասրահում, որն աչքի էր ընկնում գունագեղ ու տոնական
զարդարանքներով, ինչն առավել գրավիչ էր դարձնում սրահն այցելուների
համար:
Շիրակի թեմի բարեխնամ Առաջնորդ Տ. Միքայել Արքեպս. Աջապահյանի անմիջական
ֆինանսավորմամբ ու օրհնությամբ, ինչպես նաեւ Ս. Յոթվերք եկեղեցու
գթասիրտ բարերար Արմեն Տոնոյանի աջակցությամբ սաներն ապրեցին, այնքան
երկար սպասված, տոնի պարգեւած բերկրանքը: Հանդիսույթը նաեւ չորս
դպրոցների երեխաների համար միմյանց հետ ծանոթանալու, շփվելու, ընկերանալու
մեծ հնարավորություն էր:
Տ.
Նշան քհն. Պանֆյորովի գլխավորությամբ եւ ուսուցիչների ակտիվ նախաձեռնությամբ՝
կիրակնօրյաների սաներին ընծայվեց տոնական անկրկնելի, հիշարժան ու
ջերմ օր: Բոլոր մասնակիցներին տրվեց համեղ հյուրասիրություն: Նրանք
պարեցին, ուրախացան, ակտիվ մասնակցություն ցուցաբերեցին «Ի՞նչը,
որտե՞ղ, ե՞րբ» ինտելեկտուալ խաղին, իսկ վերջում նվերներով ու բարձր
տրամադրությամբ տուն վերադարձան` իրենց սրտերում կրելով Սուրբ Ծննդյան
ջերմությունը:
Տոնական միջացառումից հետո ծնողների շնորհակալական նամակներն ու
զանգերը հաջորդում էին միմյանց: Բոլորը երախտիքի խոսքեր էին ասում՝
իրենց երեխաներին, մոտեցող Ամանորի եւ Սուրբ Ծննդի առիթով, տոնական
ուրախ տրամադրություն պարգեւելու համար: Շնորհակալ ենք բոլոր աջակիցներին:
ԼԵՆԱ ՄԱՐԳԱՐՅԱՆ
ԼՈՒՍԱՆԿԱՐՆԵՐԸ՝ ՀԵՂԻՆԱԿԻ
>>>
|
|