Լրահոսից
2 մայիսի - Տոն Երեւման Ս. Խաչի:
Սուրբ Նշան եկեղեցում, տոնի ուրախ առիթով, մատուցվեց Սուրբ եւ անմահ
Պատարագ: Օրվա պատարագիչն ու քարոզխոսն էր Տ. Նշան քհն. Պանֆյորովը:
Նույն օրը Շիրակի թեմի Առաջնորդ Տ. Միքայել Արքեպս. Աջապահյանը եղավ
Ազատանի Ս. Հարություն եկեղեցում, ուր, ձեռամբ Տ. Մակար քհն. Գալամդարյանի,
մատուցվեց Սուրբ եւ անմահ Պատարագ:
9 մայիսի - Սուրբ Յոթվերք եկեղեցում Սուրբ եւ անմահ
Պատարագ մատուցեց Տ. Թաթուլ ավգ. քհն. Հակոբյանը: Հընթացս սրբազան
արարողակարգի՝ «Հայր մեր»-ից առաջ, հանգամանալից քարոզ խոսեց պատարագիչ
Տեր Հայրը:
13 մայիսի - Համբարձում Քրիստոսի: Առաջնորդանիստ
Ս. Յոթվերք եկեղեցում, ձեռամբ Տ. Ավետիք աբղ. Սողոմոնյանի, մատուցվեց
Սուրբ եւ անմահ Պատարագ, հընթացս որի՝ «Հայր մեր»-ից առաջ, օրվա
խորհուրդը մեկնող ոգեշինիչ քարոզ խոսեց պատարագիչ Հայր Սուրբը: Սուրբ
Պատարագի ընթացքում՝ ազգային տոնի առիթով, կատարվեց գոհաբանական
մաղթանք:
15 մայիսի - Ամասիա համայնքում, ձեռամբ Շիրակի
թեմի բարեխնամ Առաջնորդ Տ. Միքայել Արքեպս. Աջապահյանի, կատարվեց
նոր կառուցվելիք եկեղեցու հիմնարկեքի հանդիսավոր արարողություն:
16 մայիսի - Երկրորդ Ծաղկազարդ: Ս. Աստվածածին
մայր եկեղեցում Սուրբ եւ անմահ Պատարագ մտուցեց Տ. Ավետիք աբղ. Սողոմոնյանը:
Սրբազան արարողակարգի ընթացքում՝ «Հայր մեր»-ից առաջ, ոգեշունչ քարոզ
խոսեց պատարագիչ Հայր Սուրբը:
Նույն օրը Շիրակի թեմի Առաջնորդը եղավ Ախուրյան համայնքի Հացիկ գյուղում,
ուր, խոնարհված եկեղեցում, Սուրբ եւ անմահ Պատարագ մատուցեց Տ. Նարեկ
քհն. Անտոնյանը:
23 մայիսի - Հոգեգալուստ: Պենտեկոստե: Տոնի ուրախ
առիթով Ս. Յոթվերք առաջնորդանիստ եկեղեցում մատուցվեց Սուրբ եւ անմահ
Պատարգ: Օրվա պատարագիչ էր Քանաքեռի Սուրբ Հակոբ եկեղեցու հոգեւոր
հովիվ Տ. Շահեն քհն. Ղեւոնդյանը: Հընթացս սրբազան արարողակարգի՝
«Հայր մեր»-ից առաջ, հավուր պատշաճի քարոզ խոսեց պատարագիչ Տեր Հայրը:
30 մայիսի - Յիշատակ Եղիա մարգարեի: Ս. Յոթվերք
եկեղեցում մատուցվեց Սուրբ եւ անմահ Պատարագ: Օրվա պատարագիչն էր
Տ. Թաթուլ ավգ. քհն. Հակոբյանը: Սրբազան արարողակարգի ընթացքում՝
«Հայր մեր»-ից առաջ, հոգեհույզ քարոզ խոսեց պատարագիչ Տեր Հայրը:
31 մայիսի - Տոն Սրբոց կուսանաց Հռիփսիմյանց: Նահատակ
կույսերի հիշատակի տոնի առիթով Ավստրիական թաղամասի Ս. Հռիփսիմե
մատուռում Սուրբ Պատարագ մատուցեց Տ. Արսեն ավգ. քհն. Սիմոնյանը:
>>> |
|