ՓՐԿՎՈՒՄ
ԵՆ ՄԻԱՅՆ ԻՐԱԿԱՆ ԽԵԼԱՑԻՆԵՐԸ
արնանային
մի պայծառ օր փոքրիկ ինքնաթիռով երեք մարդ էր թռչում՝ վանականը,
լուսանկարիչը եւ դեռահասը: Վերջինս ոչ վաղ անցյալում ստացել էր «Աշխարհի
ամենախելացի դեռահասի» կոչումը: Հանկարծ ինքնաթիռը ցնցվում է, եւ
շարժիչն սկսում է տարօրինակ ձայներ հանել: Օդաչուն հուզված ասում
է. «Ցավում եմ, բոլոր շարժիչները շարքից դուրս են եկել. մենք վթարի
կենթարկվենք: Եվս մեկ վատ լուր. միայն երեք օդապարիկ ունենք»:
Սա
նշանակում էր, որ ինչ-որ մեկը պետք է մնար վայր ընկնող ինքնաթիռում
եւ զոհվեր: Օդաչուն շարունակում է. «Ես կին ու երեք երեխա ունեմ:
Պարտականություններս շատ են: Կներեք, ես մի օդապարիկը վերցնում եմ»:
Այս խոսքերն արտասանելով՝ նա վերցնում է օդապարիկներից մեկն ու թռչում
ինքնաթիռից:
Հաջորդը խոսում է դեռահասը. «Ես աշխարհի ամենախելացի դեռահասն եմ:
Ես կարող եմ ՁԻԱՀԻ կամ քաղցկեղի դեմ պատվաստանյութ հայտնագործել
կամ էլ համաշխարհային տնտեսական խնդիրներ լուծել: Բոլորն ինձ հետ
հույսեր են կապում»: Այս խոսքերն արտաբերելով՝ նա վերցնում է երկրորդ
օդապարիկն ու թռչում ինքնաթիռից:
Վանականը թեքվում է օդանավում մնացած երիտասարդ լուսանկարչի կողն
ու ասում.
- Վերցրո՛ւ վերջին օդապարիկը: Ես պատրաստ եմ զոհվել: Վերցրո՛ւ օդապարիկն
ու թռի՛ր:
- Երկուսս էլ կփրկվենք,- պատասխանում է երիտասարդը,- ամենախելացի
դեռահասն օդապարիկի փոխարեն իմ պայուսակն ու լուսանկարչական ապարատն
է վերցրել:
Դեռահասների մեծ մասն իրեն այսպես է պահում. նրանք աշխարհ են «թռչում»
առանց օդապարիկի՝ կարծելով, թե ամեն ինչ գիտեն եւ ունեն անհրաժեշտ
ամեն ինչ՝ լիարժեք կյանքի համար:
Արիությունը քաղաքներ է գրավում, բայց կյանքի փորձի «բարձիկը» մեղմացնում
է հարվածը: Լսե՛ք փորձառու մարդկանց խորհուրդները… Եվ դուք կյանքում
միշտ հաջողություններ կգրանցեք:
>>>
|
|