ՆՈՐ
ՋԱՀԵՐ ՍՈՒՐԲ ՅՈԹՎԵՐՔԻՆ
մեն
տարի՝ Ս. Զատկի տոնին ընդառաջ, Շիրակի թեմի առաջնորդանիստ Սուրբ
Յոթվերք մայր եկեղեցում տեղի են ունենում մաքրման եւ նորոգման աշխատանքներ:
Եկեղեցու հավատացյալներն ու թեմի աշխատակիցները սիրով են կատարում
այդ գործը: Ի վերջո, ամեն մարդ չէ, որ արժանանում է Աստծո տան մաքրման,
լուսավորման, նորոգման աշխատանքները կատարելու պատվին: Երբ նորոգում
կամ մաքրում ես Աստծո տունը, ավելի ես մտերմանում Տիրոջ հետ: Սա
հնարավորություն է տալիս մոտենալ Տիրոջը որպես զավակի, ոչ թե որպես
ծառայի:
Հաճելի է, երբ Սուրբ Հարության ուրախառիթ տոնին Աստծո տաճարն է՛լ
ավելի լուսավոր ու պայծառ է լինում:
Այս
տարի՝ զատկական տոներին ընդառաջ, Սուրբ Յոթվերքի նորոգման ու մաքրման
աշխատանքներին զուգահեռ, բարի մարդկանց կամքով, եկեղեցին նոր ջահեր
ունեցավ: Ավագ Շաբաթը դեռ նոր սկսված՝ եկեղեցու հին ջահերը փոխարինվեցին
նորերով, որոնք իրենց շողշողուն քարերով ու պայծառ լույսով ավելի
ջերմացրին ու լուսավորեցին հավատացյալների սրտերը:
Աստծո տունը պետք է միշտ մաքուր լինի, լուսավոր ու նորոգ: Թող Ամենակարող
Տերն Իր օրհնության մեջ եւ Սուրբ Աջի հովանու ներքո պահի ջահերը
նվիրող բարերարներին, ովքեր ցանկացան անհայտ մնալ:
ԼԵՆԱ ՄԱՐԳԱՐՅԱՆ
>>>
|
|