Լրահոսից
1 հունվարի - Կաղանդ, տարեմուտ:
Առաջնորդանիստ Ս. Աստվածածին մայր եկեղեցում մատուցվեց Սուրբ եւ
անմահ Պատարագ: Օրվա պատարագիչն էր Տ. Թաթուլ ավգ. քհն. Հակոբյանը:
Հընթացս սրբազան արարողակարգի՝ «Հայր մեր»-ից առաջ, օրվա խորհուրդը
մեկնող հանգամանալից քարոզ խոսեց պատարագիչ Տեր Հայրը: Սուրբ Պատարագի
ընթացքում կատարվեց Հայրապետական մաղթանք:
3 հունվարի - Ս. Յոթվերք եկեղեցում մատուցվեց Սուրբ
Պատարագ: Օրվա պատարագիչն էր Տ. Թաթուլ ավգ. քհն. Հակոբյանը: Սրբազան
արարողակարգի ընթացքում՝ «Հայր մեր»-ից առաջ, ոգեշինիչ քարոզ խոսեց
պատարագիչ Տեր Հայրը:
5 հունվարի - Ճրագալույց: Առաջնորդանիստ Ս. Աստվածածին
եկեղեցում Ճրագալույցի Սուրբ Պատարագ մատուցվեց ձեռամբ Տ. Ավետիք
աբղ. Սողոմոնյանի: Հընթացս սրբազան արարողակարգի՝ «Հայր մեր»-ից
առաջ, ոգեշունչ քարոզ խոսեց պատարագիչ Հայր Սուրբը:
6 հունվարի - Տոն Ս. Ծննդյան եւ Աստվածահայտնության:
Ս. Յոթվերք, Ս. Նշան, Ս. Գրիգոր Լուսավորիչ, Ս. Հակոբ, Ս. Հռիփսիմե
եկեղեցիներում մատուցվեց Ս. Ծննդյան Սուրբ եւ անմահ Պատարագ: Օրվա
պատարագիչներն էին Տ. Ավետիք աբղ. Սողոմոնյանը, Տ. Նշան քհն. Պանֆյորովը,
Տ. Փավստոս քհն. Սարգսյանը, Տ. Վարուժան քհն. Տերտերյանը, Տ. Արսեն
քհն. Սիմոնյանը:
7 հունվարի - Հիշատակ մեռելոց: Ս. Աստվածածին եկեղեցում
մեռելոցի Սուրբ եւ անմահ Պատարագ մատուցեց Տ. Ավետիք աբղ. Սողոմոնյանը:
13 հունվարի - Տոն անվանակոչության Հիսուս Քրիստոսի:
Առաջնորդանիստ Ս. Աստվածածին եկեղեցում, տոնի ուրախ առիթով, Սուրբ
եւ անմահ Պատարագ մատուցեց Տ. Նարեկ քհն. Անտոնյանը: Սրբազան արարողակարգի
ընթացքում՝ «Հայր մեր»-ից առաջ, օրվա խորհրդին համահուն քարոզ խոսեց
պատարագիչ Տեր Հայրը:
14 հունվարի - Տոն Ծննդյան Ս. Հովհաննես Կարապետի:
Ս. Յոթվերք եկեղեցում, հավարտ երեկոյան ժամերգության, հանդիսավոր
թափորով դուրս բերվեց Սուրբ Հովհաննես Մկրտչի Ս. Աջը՝ ի երկրպագություն
ներկա հավատացյալների:
Ի դեպ՝ Սրբի մասունքը վաղուց ի վեր պահվում է Սուրբ Յոթվերք եկեղեցում:
17 հունվարի - Առաջնորդանիստ Ս. Աստվածածին եկեղեցում
Սուրբ եւ անմահ Պատարագ մատուցեց Տ. Շիրակ ավգ. քհն. Առաքելյանը:
Սրբազան արարողակարգի ընթացքում՝ «Հայր մեր»-ից առաջ, օրվա խորհրդին
համահունչ քարոզ խոսեց Տ. Ավետիք աբղ. Սողոմոնյանը:
24 հունվարի - Ս. Յոթվերք մայր եկեղեցում, ձեռամբ
Տ. Թաթուլ ավգ. քհն. Հակոբյանի, մատուցվեց Սուրբ եւ անմահ Պատարագ:
Հընթացս սրբազան արարողակարգի հանգամանալից քարոզ խոսեց պատարագիչ
Տեր Հայրը:
Նույն օրն Առաջնորդ Սրբազանն այցելեց Ս. Նշան եկեղեցի, ուր օրվա
պատարագիչն ու քարոզխոսն էր Տ. Նշան քհն. Պանֆյորովը:
30 հունվարի - Ս. Սարգիս մատուռում Սուրբ Պատարագ
մատուցվեց ձեռամբ Տ. Ստեփանոս քհն. Ավետիսյանի: Սրբազան արարողակարգի
ընթացում՝ «Հայր մեր»-ից առաջ, օրվան համահունչ քարոզ խոսեց պատարագիչ
Տեր Հայրը:
31 հունվարի - Ս. Յոթվերք եկեղեցում Սուրբ եւ անմահ
Պատարագ մատուցեց Տ. Ավետիք աբղ. Սողոմոնյանը եւ «Հայր մեր»-ից առաջ
հավուր պատշաճի քարոզ խոսեց:
>>> |
|