Տոն
առաջիկա
ՍՈՒՐԲ ՍԱՆԴՈՒԽՏ ԿՈՒՅՍ
այաստանյայց
Առաքելական Սուրբ Եկեղեցին հուլիսի 25-ին կոգեկոչի Ս. Թադեոս Առաքյալի
եւ Ս. Սանդուխտ կույսի հիշատակը:
ԿՈՒՅՍԻ ԿԵՆՍԱԳՐԱԿԱՆԸ
Ծնվել է Հայաստանում եւ Սանատրուկ արքայի դուստրն էր, ում ապարանքը
գտնվում էր Վասպուրականի (Վան) նահանգի Արտազ գավառի Շավարշավան
գյուղաքաղաքում: Այստեղ հաստատվեց նաեւ Թադեոս Առաքյալը՝ Եդեսիայում
քրիստոնեություն հաստատելուց հետո եւ դարձի բերեց մեծաթիվ հայերի:
Արքայի պալատում եւս քիչ չէին քրիստոնյաները: Թագավորի դուստրը՝
Սանդուխտը, նրանցից մեկն էր: Այդ մասին իմանալով՝ Սանատրուկը բանտարկեց
նրան: Թադեոսը քաջալերեց կույսին, որ հաստատուն մնա նոր հավատքի
մեջ:
Թագավորն իշխաններից մեկին բանտ ուղարկեց՝ տարհամոզելու դստերը:
Սակայն կույսը դարձի բերեց իշխանին ու նրա 50 ընկերներին: Անգամ
հայրը չկարողացավ համոզել դստերը եւ արձակեց նրան սպանելու վճիռը:
Կույսն արժանացավ նահատակության փառքին՝ կրծքից խոցվելով: Ապա նահատակվեց
նաեւ Առաքյալը:
Ենթադրվում է, որ Սանդուխտ կույսը 18 տարեկան էր, երբ նահատակվեց,
թեեւ, ըստ ոմանց, ավելի փոքր տարիքում նահատակվեց: Նա էր հայոց աշխարհի
առաջին նախավկայուհին:
ՄԱՏՈՒՑԱԾ ԾԱՌԱՅՈՒԹՅՈՒՆԸ
Որպես առաջին մարտիրոսուհի՝ մեծագույն վկայուհին հանդիսացավ քրիստոնեական
ճշմարտությունների բացահայտողը համայն աշխարհի եւ ի մասնավորի հայ
ժողովրդի համար, ինչը քրիստոնեության ծավալման առիթ եղավ:
Անտեսանելի եւ հավիտենական արժեքները տեսանելի եւ անցավոր արժեքներից
վեր դասեց: Ոչ միայն իգական սեռի եւ հայության, այլեւ համայն մարդկության
համար օրինակ եղավ:
ՆԿԱՐԱԳՐԻ ՈՒՇԱԳՐԱՎ ՀԱՏԿԱՆԻՇՆԵՐԸ
Նա կրոնասեր էր: Սանդուխտ կույսի կրոնասիրությունն իրական էր, անկեղծ
ու ճշմարիտ, ուստի չուրացավ իր նոր կրոնը, չզոհեց խղճի ազատությունը՝
մի քանի տարի ավել ապրելու համար: Լավը գնահատել գիտեր: Երբ ծանոթացավ
Ավետարանի ճշմարտություններին, ընդլայնվեց մտքի հորիզոնը, բացվեցին
հոգու աչքերը եւ սկսեց գնահատել քրիստոնեական կրոնի հավիտենական
արժեքները:
ՊԱՏԳԱՄՆ ԱՅՍՕՐՎԱ ՄԱՐԴՈՒՆ
Չզոհել մնայուն արժեքներն առժամյան շահելու համար: Մտքի ու խղճի
ազատությունը ամեն ինչից վեր դասել: Հետեւել ոչ թե կեղծ, այլ իրական
կրոնասիրությանը, մշակել լավը գնահատելու մեր ընդունակությունը:
>>>
|
|