ԵՐԵՍՈՒՆԵՐԿՈՒ
ՏԱՐԻ ԱՌԱՋ ԱՅՍ ՕՐԸ
իրակի
թեմի բարեխնամ Առաջնորդ Գերաշնորհ Տ. Միքայել արքեպս. Աջապահյանը
1988 թվականի մայիսի 22-ին, երջանկահիշատակ Տ. Հուսիկ արքեպս. Սանթուրյանի
ձեռամբ, ձեռնադրվեց կուսակրոն քահանա: Գեւորգ սարկավագը վերանվանվեց
Տ. Միքայել քահանա Աջապահյան:
«Շատ
էի հուզվել. այդ պահին մտապատկերիս առջեւով անցան բոլոր-բոլոր Աջապահյանները,
մանավանդ այն ժամանակ, երբ Հուսիկ Սրբազանն օծեց ճակատս Սրբալույս
Մյուռոնով եւ վերանվանեց Տեր Միքայել: Անսովոր ապրում ունեցա. դող
անցավ սրտովս, հասկացա, որ 1968 թվականին, Խադ Սրբազանի մահով, Աջապահյան
տոհմի հոգեւոր սպասավորների կտրված շղթան դարձյալ ամբողջացավ: Միաժամանակ
պարտավորեցնող էր Միքայել անունը, քանի որ ինձնով պետք է ապրեր 1915
թ. եղեռնագործության ժամանակ խոշտանգված ազգականս՝ Տ. Միքայել Ծ.
Վրդ. Աջապահյանը»,- հիշում է Առաջնորդ Սրբազան Հայրը:
Հարցին, թե ինչո՞ւ ընտրեց կուսակրոն հոգեւորականի ուղին, Սրբազան
Հայրն ունի մեկ պատասխան. «Որովհետեւ քահանայական ծառայությունն
ինձ համար կուսակրոնությունն է»:
* * *
Սիրելի Սրբազան Հայր, ի սրտե շնորհավորում ենք Ձեզ՝ հիշարժան այս
օրվա ուրախ առիթով:
Երջանկահիշատակ Նարեկ Սրբազանն այսպես էր բնութագրում Ձեզ. «Ոսկին
չեն ոսկեջրում… ՈՍԿԻ Է ՆԱ»:
Ձեր
տեսակի մեջ շեշտադրված են պատասխանատու մարդուն բնորոշ մեծաթիվ որակներ,
որոնցից կարելի է առանձնացնել թերեւս ամենակարեւորները՝ մարդկանց
ապրումներն ու զգացմունքները կիսելու կարողությունը, ուրիշի ցավի
եւ ուրախության նկատմամբ զգայունությունը, նրբանկատությունն ու անտարբեր
չլինելը:
Իսկ այս որակներն իրենց հերթին մարդուն հենց այնպես չեն տրվում,
այս որակները փաստում են, որ Ձեր ՄԱՐԴ-ՀՈԳԵՒՈՐԱԿԱՆ տեսակի հարգը
շատ բարձր է: Ինչպես ոսկու հարգը կարող է ճիշտ որոշել միայն ոսկերիչը,
այնպես եւ Ձեր բարձր հարգը հայտնի է Ձեզ ստեղծողին, այսինքն՝ Բարձրյալ
Աստծուն, թագավորների Թագավորին:
Ձեր բարձր հարգը, նաեւ տեսանելի է միայն այն մարդկանց, որոնց ի Վերուստ
է տրված տեսնելու եւ գնահատելու կարողությունը, չեն նեղսրտում լավը
բարձրաձայնելուց:
Դուք Ձեր նվիրական ծառայությամբ եք փաստել ու փաստում, թե ով եք:
Ցանկության դեպքում այն առավել քան տեսանելի է:
Մաղթում ենք Ձեզ քաջառողջություն, արեւշատություն եւ, որ ամենագլխավորն
է, Աստված երբե՛ք չլքի Ձեզ:
Աստված օգնական եւ պահապան սիրելի՛ Սրբազան Հայր:
Մատչիմք ի համբոյր Ձերդ օծեալ Ս. Աջոյն՝
ՅԱՆԱ ՍԱՆԴՈՅԱՆ
«Ս. ՅՈԹՎԵՐԻՔ» - Ի ԽՄԲԱԳՐԱԿԱԶՄ
>>>
|
|