Ընթացիկ համար

Քեզ համար   

Մանուկներին

Արխիվ

Քարոզները

Բացիկներ

ՕԺԱՆԴԱԿՈՒԹՅՈՒՆ ՀԻՎԱՆԴԱՆՈՑՆԵՐԻՆ

իրակի թեմի սոցիալ-կրթական կենտրոնը, հավատարիմ մնալով իր առաքելությանը, շարունակում է օգնել, ինչպես նաեւ աջակցել կարիքավորներին:

Այս անգամ մեր օգնության սահմաններն ընդլայնվեցին: Շիրակի թեմի առաջնորդարանի աջակցությամբ՝ համայնքին օգնելու համար, կենտրոնի աշխատակիցներն անկողնային պարագաներ են կարում կամավոր սկզբունքով: Այս ամենը նախատեսվում է տրամադրել մարզի հիվանդանոցների ստացիոնար բաժանմունքներին:

Գյումրու «Մոր եւ մանկան ավստրիական հիվանդանոց»-ին նվիրեցինք վերմակների տասնյակ կապոցներ, մանկական խնամքի համար փաթեթներ, հիգիենայի պարագաներ ու հիվանդանոցային խնամքի համար երեխաներին անհրաժեշտ իրեր ու ծածկոցներ:

Իհարկե, այս ամենն անում ենք սիրով, որպեսզի ոչ մի ընտանիք ու երեխա զրկված չլինեն այնքան անհրաժեշտ ու կարեւոր հիգիենիկ պարագաներից ու խնամքի միջոցներից:

Հիգիենայի պարագաներ ու վերմակներ ենք նաեւ հատկացրել Գյումրու ինֆեկցիոն հիվանդանոցին: Սոցիալ-կրթական կենտրոնը կրկին թեւ ու թիկունք է կանգնում մեր բժիշկներին, բուժվող քաղաքացիներին՝ հարազատների հոգսը, ինչպես նաեւ բուժհիմնարակների ծանրաբեռնվածությունը թեթեւացնելու համար:

Կենտրոնը մաղթում է բոլոր բուժվողներին շուտափույթ ապաքինում: Հավատում ենք, որ միասին կհաղթահարենք այս փորձությունը եւս:

Նշենք, որ սոցիալ-կրթական կենտրոնը սոցիալական ծրագրերով միշտ սատարում է տարբեր խմբերի: Մեր շահառուներն են տարեցները, բազմազավակ ընտանիքները, միայնակ մայրերը, դեռահասներն ու մանուկները:

ԱՆԱՀԻՏ ՀԱՐՈՒԹՅՈՒՆՅԱՆ

>>>