ԱՐՁԱԳԱՆՔ
ԿՈՐՈՆԱՎԻՐՈՒՍԻ ՃԳՆԱԺԱՄԻՆ
ի-Վի-Վի
Ինթերնեյշնալի եւ «Խաչմերուկ» կրթական-խորհրդատվական կենտրոնի միջեւ
համագործակցությունը տեւական է, ամուր ու վստահելի: Այն սկսվել է
դեռեւս 2007 թվականից եւ արդեն մեկ տասնամյակից ավելի է, ինչ երեք
հազար շահառու կենտրոնում ձեռք է բերում անհրաժեշտ հմտություններ:
Որպես Շիրակի թեմի հետ փոխկապակցված կենտրոն՝ «Խաչմերուկ»-ն իր շահառուներին
առաջարկում է համայնքային ծառայությունների լայն շրջանակ՝ ներառյալ
երեխաների խնամքի աջակցություն, սոցիալական ու հոգեբանական խորհրդատվություն,
աջակցություն դպրոցականներին եւ այլն:
Դի-Վի-Վի Ինթերնեյշնալի հայաստանյան գրասենյակի կողմից աջակցություն
ստացող՝ մեծահասակների կրթության «Խաչմերուկ» կրթական-խորհրդատվական
կենտրոնը միշտ գտնվում է համայնքային աջակցության առաջնագծում եւ
կարողանում է արագ մոբիլիզացվել ճգնաժամային իրավիճակներում: Հայաստանում,
երբ կորոնավիրուսի տարածումը հասավ նաեւ հանրապետության երկրորդ
խոշոր քաղաք՝ Գյումրի, մեր գործընկերներից ընդամենը մի քանի օր պահանջվեց
իրավիճակի սկզբնական ցնցումը հաղթահարելու եւ արագ անցնելու այն
գործին, ինչը նրանց մոտ ամենալավն է ստացվում: Նրանց բազմակողմանի
հակազդեցությունն աջակցություն է ստացել բոլոր նվիրատուների, այդ
թվում Եկեղեցու եւ Դի-Վի-Վի Ինթերնեյշնալի կողմից:
Կենտրոնն
այս իրավիճակը հաղթահարելու համար անում է լավագույնը՝ մարդասիրական
օգնություն ցուցաբերելուց մինչեւ կառավարության սոցիալական քաղաքականությունը
բացատրելը եւ հիվանդանոցների համար դիմակներ ու անկողնային պարագաներ
կարելը:
Դի-Վի-Վի Ինթերնեյշնալի աջակցությունը հնարավորություն է տվել կենտրոնին՝
ներգրավել կարուձեւի դասընթացների բոլոր մասնակիցներին եւ ուսուցանել
նրանց նոր հմտություններ՝ այս իրավիճակում այդքան անհրաժեշտ դիմակներ
եւ անկողնային պարագաներ կարելու համար:
Զատկի տոնին ընդառաջ՝ կենտրոնի դասընթացավարները պատրաստել էին տեսանյութեր
զատկական հավկիթների գունազարդման եւ տորթերի ու թխվածքաբլիթների
պատրաստման վերաբերյալ՝ անվճար առցանց վարպետության դասեր տալով
իրենց շահառուներին:
Մի քանի շաբաթվա ընթացքում դասընթացավարները մասնակցեցին, Դի-Վի-Վի
Ինթերնեյշնալի հայաստանյան գրասենյակի կողմից առաջարկվող, առցանց
դասընթացին՝ սովորելով համակցված ուսուցման (blended learning) մասին
եւ իրենց դասընթացները հարմարեցնելով ժամանակի պահանջին:
ԱՆԱՀԻՏ ՀԱՐՈՒԹՅՈՒՆՅԱՆ
>>>
|
|