«ՅԱՐԵԱՒ
ԱՍՏՈՒԱԾ ԵՒ ՑՐՈՒԵՑԱՆ ԱՄԵՆԱՅՆ ԹՇՆԱՄԻՔ ՆՈՐԱ»
ԱՎԱԳ ՇԱԲԱԹԸ ՇԻՐԱԿԻ ԹԵՄՈՒՄ
եծ
Պահքի վերջին շաբաթը կոչվում է Ավագ, որի ընթացքում Տերն առաքյալների
հետ սեղան նստեց, ապա մատնվեց, ձերբակալվեց, դատվեց, անարգվեց եւ
չարչարանքներով խաչ հանվեց: Շաբաթը կոչվում է նաեւ Չարչարանաց, ինչը
պարագրում է Քրիստոսի հրաշափառ Սուրբ Հարության պատմության ամենակարեւոր
ու առանցքային իրադարձությունները:
ԱՎԱԳ ԵՐԿՈՒՇԱԲԹԻ
Ավագ երկուշաբթին նվիրված է աշխարհի եւ երկնքի ու երկրի արարչագործությանը:
Այն նաեւ հիշատակն է անպտուղ թզենու, որ դատապարտվեց ի խնդիր հավատի
մաքրության:
ԱՎԱԳ ԵՐԵՔՇԱԲԹԻ
Ավագ երեքշաբթին նվիրված է տասը կույսերի հիշատակությանը: Օրվա ավետարանական
ընթերցվածը պատգամում է. «Հավատն առանց գործերի մեռած է» (Հակոբ.
Բ 20):
ԱՎԱԳ ՉՈՐԵՔՇԱԲԹԻ
Ավագ չորեքշաբթի օրը հիշատակվում է մեղավոր կինը, որ օծեց Քրիստոսի
գլուխը թանկագին յուղով՝ ի նշան մոտալուտ թաղման եւ համբուրեց ոտքերը՝
ի հակադրություն Հուդայի, որ մատնեց Տիրոջը երեսուն արծաթով:
Մինչ այսօր էլ Եկեղեցին տարվա բոլոր չորեքշաբթիները, բացի Հինանց
շրջանից, ի հիշատակ այս դեպքի, պահոց օր է հռչակել:
ԱՎԱԳ ՀԻՆԳՇԱԲԹԻ
Ավագ հինգշաբթի նշվում է Ս. Հաղորդության խորհրդի հաստատումը Վերջին
ընթրիքին: Առավել հիշատակելի է ավագ Հինգշաբթի օրվա յուրահատուկ
ծիսակարգը: Առավոտյան ժամերգությունից հետո եկեղեցիներում կատարվում
է Ապաշխարողաց կարգ, որի ընթացքում մեղքերի արձակում է տրվում, քառասնօրյա
պահեցողություն անցած, հավատացյալներին:
Ապրիլի 9-ին՝ առավոտյան ժամը 7:00-ին, ինչպես առաջնորդանիստ Սուրբ
Աստվածածին, այնպես էլ Շիրակի թեմի բոլոր եկեղեցիներում մատուցվեց
Սուրբ եւ անմահ Պատարագ՝ ի հիշատակ Քրիստոսի կողմից Վերնատանը Հաղորդության
խորհրդի հաստատման:
«Հավատամք»-ի ընթերցման ժամանակ բացվեցին Սուրբ Խորանների վարագույրները:
Սուրբ Յոթվերք եկեղեցում օրվա պատարագիչն էր Տ. Ավետիք աբղ. Սողոմոնյանը:
ՈՏՆԱԼՎԱ ԵՎ ԽԱՎԱՐՈՒՄ
Երեկոյան կատարվեց Ոտնալվայի կարգ՝ ի նշան Տիրոջ կողմից մեզ ավանդված
սիրո եւ խոնարհության, որով Տերն օրինակ եղավ մեզ, երբ, խոնարհվելով
արարչական փառքից, Իր իսկ արարածների ոտքերը լվաց:
Նույն օրը՝ երեկոյան ժամերգությունից հետո, կատարվեց հսկման (Խավարում)
կարգ: Այդ ժամանակ խորանի վրա վառվում է տասներկու մոմ, իսկ մի մեծ
մոմ դրվում է կենտրոնում: Ավետարանական յուրաքանչյուր հատվածի ընթերցումից
հետո ամեն կողմից մեկական մոմ են հանգցնում, վերջում մնում է միայն
մեծ մոմը, որ խորհրդանշում է Քրիստոսին, Ով մենակ էր մնացել:
ԱՎԱԳ ՈՒՐԲԱԹ
Ավագ ուրբաթը Խաչելության եւ չարչարանաց օրն է, ամենատխուր օրը հավատավոր
քրիստոնյայի համար: Երեկոյան կատարվում է Փրկչի Թաղման կարգը:
ԱՎԱԳ ՇԱԲԱԹ ՃՐԱԳԱԼՈՒՅՑ
«Յարեաւ Աստուած եւ ցրւեցան ամենայն թշնամիք Նորա»: Սուրբ Զատկի
խթման օրն է կամ Ճրագալույցը:
Երեկոյան՝ ժամը 17:00-ին, Սուրբ Աստվածածին եկեղեցում մատուցվեց
Ճրագալույցի Սուրբ եւ անմահ Պատարագ: Օրվա պատարագիչն էր Տ. Ավետիք
աբղ. Սողոմոնյանը:
Ճրագալույցի Սուրբ Պատարագից հետո պահքը լուծվում է ձվով եւ այլ՝
ոչ պահոց կերակուրներով, բացի մսից:
ԱԼՎԱՐԴ ԿԱՂԶՎԱՆՑՅԱՆ
>>>
|
|