ԱՇՈՑՔՈՒՄ
ԿԱՅԱՑԱՎ «ՇԻՐԱԿԻ ՁՄԵՌ - 2020»
ՄԻՋՈՑԱՌՈՒՄԸ
եկտեմբերի
29-ի վաղ առավոտից Շիրակի մարզում եւ հատկապես Գյումրիում մեծ աշխուժություն
էր: Դահուկով, սահնակով զինված, տաք հագ ու կապով շատերն էին շտապում
Աշոցքի դահուկավազքի կենտրոն, ուր կայացավ «Շիրակի ձմեռ - 2020»
փառատոնը, որն իրականացրեց Շիրակի մարզպետարանը՝ ՄԱԿ-ի զարգացման
«Ինտեգրված գյուղական զբոսաշրջության զարգացում» ծրագրի աջակցությամբ:
Գլխավոր նպատակն էր նպաստել Շիրակի մարզում ձմեռային տուրիզմի զարգացմանը:
Միջոցառումը
պլանավորելիս՝ Շիրակի տուրիզմի զարգացման եւ հետազոտությունների
կենտրոնը առավելագոււյնը 700 մասնակից էր աչքի տակ ունեցել: Օրը,
սակայն, առավել խոստումնալից եղավ: Մասնակիցների թիվը հատեց 2000-ի
սահմանը:
Մարզետ Տիգրան Պետրոսյանի համար այդ մեծ թիվն սպասելի էր: Նրա խոսքով՝
«Շիրակի ձմեռ»-ը բրենդ դարձնելու աշխատանքներ վաղուց են տարվել եւ
հույս կա, որ Շիրակի մարզի հյուսիսի համար հատկապես, ձմեռը պետք
է դառնա տնտեսական ակտիվության, ժամանցի, հանգստի ակտիվ շրջան:
Ըստ
Շիրակի մարզպետի՝ անելու շատ գործ կա՝ առկա ներուժը գործի վերածելու
համար: Միջոցառումը կազմակերպվեց. շատերն իմացան, որ Աշոցքն ունի
դահուկավազքի կենտրոն, ուր կարող են ձմեռային ակտիվ հանգիստ անցկացնել:
Սրան զուգահեռ՝ պետք է զարգացնել ենթակառուցվածքները, որպեսզի մարդը
գիշերակացի, սնվելու եւ այլ ծառայություններից օգտվելու հնարավորություն
եւս ունենա:
Մասնակիցներին նախ տոնական տրամադրություն եւ ուրախ ժամանց մաղթեց
մարզպետ Տիգրան Պետրոսյանը՝ առանձնակի շեշտելով. «Ողջունում եմ բոլորիդ
Շիրակի հյուսիսում եւ ձեզ տոնական տրամադրություն եմ մաղթում: Մեր
միջոցառման գլխավոր նպատակը Շիրակի հյուսիսն զբոսաշրջության, ժամանցի,
հանգստի, տնտեսական ակտիվության շրջաններից մեկը դարձնելն է: Այսօր
մենք այդ քայլերն ենք անում եւ թերահավատներին վստահորեն ցույց ենք
տալու, որ Շիրակի հյուսիսը մեծ ներուժ ունի, ինչը մենք հաստատակամորեն
օգտագործելու ենք: Նախադրյալներ կան, եւ մենք էլ ամեն ինչ անելու
ենք՝ մարզի այս հատվածն առավել աշխույժ ու զարգացած տեսնելու համար»:
Դահուկավազք,
սահնակներով սահք, ձնեմարդուկների պատրաստում, ձնագնդիի առաջնություն,
պարանի ձգում, ազգային երգ ու պար: Բոլորի հետ Աշոցքում ձմեռը ճանապարհեցին
նաեւ ԱԺ պատգամավորներ Կարեն Սարուխանյանը, Սոֆիա Հովսեփյանը, Նազելի
Բաղդասարյանը:
Շիրակցիներին էին միացել ոչ միայն Հայաստանի տարբեր մարզերից Աշոցք
հասած մեր հայրենակիցները, այլեւ մեծաթիվ օտարերկրացիներ: Իրենց
տաղավարներով ներկայացել էին նաեւ Շիրակի մարզում գործող արեւելյան,
շվեդական, ֆրանսիական ու հայկական խոհանոցների աշխատակիցները, տարբեր
կազմակերպություններ ու հաստատություններ: Կազմակերպված մրցույթներում
հաղթողները նվերներ ու գավաթներ ստացան:
Տաք կարկանդակներ ու բուտերբրոդներ, քաղցր փախլավա ու ջերմացնող
գինի...
Սիրով ճոխ հյուրասիրություն էր ապահովել, ինչպես նաեւ բոլորի հետ
հավասար ու նույն բարձր տրամադրությամբ ձմռան վերջին օրը ճանապարհեց
Շիրակի թեմի սոցիալ-կրթական կենտրոնը:
ԱՆԱՀԻՏ ՀԱՐՈՒԹՅՈՒՆՅԱՆ
>>>
|
|