ՏՅԱՌՆԸՆԴԱՌԱՋԻ
ՏՈՆԸ Ֆ. ՆԱՆՍԵՆԻ ԱՆՎԱՆ
ԽՆԱՄՔԻ ԿԵՆՏՐՈՆՈՒՄ
«Աստուծային հրամանաւն, կույր ծերացեալ ի տաճարն, ոչ
տեսանէր նա զմահ, մինչեւ տեսցէ նա զօծեալն»:
ՇԱՐԱԿԱՆ
այ
Առաքելական Սուրբ Եկեղեցին ամեն տարի՝ փետրվարի 14-ին, մեծ շուքով
նշում է Տյառնընդառաջը՝ 40-օրյա Քրիստոսի տաճարընծայման տոնը:
Փետրվարի
13-ին Ֆ. Նանսենի անվան խնամքի կենտրոնում երեխաները (ուսուցչուհիներ՝
Էյլա Սահակյան, Մարիամ Չերնամորյան, կիրակնօրյայի ուսուցչուհի Ալվարդ
Կաղզվանցյան), իրենց աղոթքներով ու բեմականացումներով, ներկա հյուրերին
եւ ծնողներին ծանոթացրին տոնի նշանակությանն ու խորհրդին:
Անսովոր հմայք ուներ մանկան անմեղ շուրթերից հնչող Տերունական աղոթքը,
որով բացվեց հայտագիրը: Այնուհետեւ, խնամքի կենտրոնի բակում, վառվեց
Տյառնընդառաջի ավանդական խարույկը, որի շուրջ բոլորեց ուրախ շուրջպարը,
ինչը մեծ հրճվանք ու ոգեւորություն պատճառեց ներակներին:
Ոչ
ոք չի կարող հերքել, որ հաստատուն է հայ մարդու հավատն առ Տերը,
առ Հիսուսի հիմնած Եկեղեցին: Անսահման հավատով է նա ամեն Տյառնընդառաջի
տոնի գնում եկեղեցի եւ Սուրբ Խորանին վառվող կանթեղից լույսի իր
մասը տանում հարազատ օջախ՝ այն Աստծո լույսով լուսավորելու համար:
Հանդիսության վերջում ներկաներին իրենց սրտի խոսքը հղեցին խնամքի
կենտրոնի տնօրեն Անահիտ Կարապետյանը, փոխտնօրեն Գոհար Յայլոյանը:
Բաժանվեցին նաեւ, տոնի ժողովրդական մաս կազմող, աղանձի փոքրիկ կապոցներ,
որոնք պատրաստել էին կենտրոնի խոհարարները:
Այնուհետեւ սաները, ուսուցչուհիներ Նարինեի եւ Թամարայի առաջնորդությամբ,
այցելեցին Սուրբ Յոթվերք մայր եկեղեցի, ներկա գտնվեցին երեկոյան
ժամերգությանը, ապա մասնակցեցին Վարդանանց հրապարակում անցկացվող
խարույկահանդեսին:
ԱԼՎԱՐԴ ԿԱՂԶՎԱՆՑՅԱՆ
ԼՈՒՍԱՆԿԱՐՆԵՐԸ՝ ԱՆԱՀԻՏ ԿԱՐԱՊԵՏՅԱՆԻ
>>>
|
|