| ՍՈՒՐԲ
ՀԱԿՈԲ ՄԾԲՆԱ ՀԱՅՐԱՊԵՏԻ ՏՈՆԸ ՀԱՄԱՆՈՒՆ ԵԿԵՂԵՑՈՒՄ
 իրակի
թեմի բարեխնամ Առաջնորդ Տ. Միքայել արքեպս. Աջապահյանի տնօրինությամբ,
2002 թ. սկսյալ, Ս. Հակոբ Մծբնա Հայրապետի տոնի օրը հայտարարվել
է Անի թաղամասի համանուն եկեղեցու ուխտի օր:
 Սուրբ
Հակոբը հավատքով, իմաստությամբ լի մի նվիրյալ էր, ում Աստված Ս.
Հոգու յոթնարփյա շնորհներով էր զարդարել: Թեեւ նա ապրեց ժամանակի
եւ պատմության մեջ, սակայն անմահացավ իր առաքինի գործերով ու սրբակենցաղությամբ:
ՍՈՒՐԲ ՀԱԿՈԲ ԵԿԵՂԵՑՈՒՄ
Դեկտեմբերի 14-ին՝ Սուրբ Հակոբի տոնի ուրախ առիթով, Անի թաղամասի
նույնանուն եկեղեցում համախմբվել էր հավատացյալների հոծ բազմություն:
Բարեպաշտ գյումրեցիները եկել էին՝ ներկա գտնվելու ուխտի Սուրբ Պատարագին,
որ մատուցվեց ձեռամբ եկեղեցու հոգեւոր հովիվ Տ. Վարուժան քհն. Տերտերյանի:
Սրբազան արարողակարգի ընթացքում՝ «Հայր մեր»-ից առաջ, օրվան պատշաճող
հանգամանալից քարոզ խոսեց պատարագիչ Տեր Հայրը՝ առանձնակի անդրադարձ
կատարելով տոնի մեկնությանն ու օրվա խորհրդին:
Ի լրումն օրվա խորհրդի՝ մեծաթիվ հավատացյալներ ստացան Սուրբ Հաղորդություն
եւ հնարավորություն ունեցան խոնարհվել, սիրված Սրբի մասուքների վրա
կառուցված եկեղեցուց բերված, քարերի առջեւ:
Այդ քարերը տարիներ առաջ Մծբին քաղաքից բերել եւ Ս. Հակոբ եկեղեցուն
է նվիրել թեմակալ Առաջնորդ Տ. Միքայել արքեպս. Աջապահյանը:
Սրբազան արարողակարգից հետո տոնախմբության ներկաները մասնակցեցին
ագապեի՝ սիրո ճաշի, որի ընթացքում, Վաղինակ Դավթյանի միջոցներով,
կատարվեց նաեւ մատաղօրհնություն:
ՀԱՆԴԻՍՈՒԹՅՈՒՆ ՀԱԿՈԲԱՏԱՆԸ
Սուրբ եւ անմահ Պատարագից հետո՝ տոնի ուրախ առիթով, Ս. Հակոբ եկեղեցու
հանդիսությունների սրահում հավաքվեցին մեծաթիվ հրավիրյալներ, ծնողներ,
այցելուներ: Մշակույթի բաժնի նախաձեռնությամբ ներկայացվեց գրական-գեղարվեստական
գողտրիկ հայտագիր: Տոնախմբությունից հետո մասնակից երեխաներն ստացան
քաղցրավենիքով պարկեր, որոնք սիրով երեխաներին էր տրամադրել Լուսինե
Բադալյանը
ԼՈՒՍԻՆԵ ԳՐԻԳՈՐՅԱՆ
>>>
|
|
