ԱՋԱՊԱՀՅԱՆ ԳԵՐԴԱՍՏԱՆԻ ՄԵՐՕՐՅԱ ԿՏԱԿԸ
արդկային
միտքը հաստատուն է, երբ աստվածային կենդանի լույս ունի իր մեջ: Մարդուն
բարի ու իմաստուն են դարձնում քրիստոնեական բարոյականությունն ու
առաքինությունները, որոնց կրողն է Շիրակի թեմի Առաջնորդ Տ. Միքայել
արքեպս. Աջապահյանը:
Գյումրին
ճակատագրորեն կանխորոշված էր Սրբազան Հոր համար: 2001 թ. սեպտեմբերի
30-ին, եպիսկոպոսական ձեռնադրությունից եւ օծումից անմիջապես հետո,
նորոգ օծյալ Սրբազանը հաստատվեց Շիրակի թեմի Առաջնորդ՝ հանդիսանալով
իր գերդաստանի հայրերի մերօրյա կտակը:
Արդեն քսան տարի նա հովվում է Շիրակի տիրախնամ թեմը: Ինչո՞ւ Շիրակ,
ինչո՞ւ Գյումրի… որովհետեւ «Գյումրին իմ ճակատագիրն է, իմ մանկությունը,
իմ այսօրը…»: Սրբազան Հոր բարձրաձայն մտորումներն են: Նա հայրենի
քաղաքի հետ ապրեց դեռ չսպիացած վշտի մորմոքը, տագնապները, հույսի
վերթեւումները:
Առաջնորդության քսան տարիներին Սրբազան Հայրը հասցրել է լինել Շիրակի
թեմի բոլոր համայնքներում: Անձամբ է ուսումնասիրել առկա խնդիրները,
ծանոթացել սիրելի ժողովրդի ցավերին ու հոգսերին, լուծումներ գտել՝
մարդկանց հոգսը փոքր-ինչ թեթեւացնելու համար: Աստծո խոսքն է հասցրել
ժողովրդին, այն դարձրել իր հավատավոր հոտի սեփականությունը: Ակնկալիքը
մեկն է եղել՝ օգնել ավելի շատ մարդկանց՝ երկինք նայել, միայն այնտեղ
փնտրել ապրածի եւ արածի արտացոլքը:
Նա հարազատ է դարձել հասարակության բոլոր շերտերին: Տ. Միքայել արքեպս.
Աջապահյանին հատուկ է մտքի շեշտված ճկունությունը, որ իմացականության
դրսեւորումներից է: Սրբազան Հայրը գերազանց տիրապետում է խոսքի մշակույթին,
ինչը բնորոշ է ինտելեկտուալ բարձր որակներով օժտված մարդուն: Հենց
դրանով է պայմանավորված նրա խոսքի բացառիկությունը, գրավչությունն
ու հասանելիությունը հասարակության ամենատարբեր շերտերին: Առաջնորդ
Սրբազանի խոսքը խարսխված է հավատի վրա, օժտված բազմազանությամբ,
ծանրաբեռ քրիստոնեական բարեխոսությամբ, բայց եւ ազատ է լույսի պես:
Սրբազանն այն եզակի բարձրաստիճան հոգեւորականներից է, ում իրավամբ
սիրում ու հարգում է ո՛չ միայն ժողովրդի հավատավոր հատվածը:
Սիրելի Սրբազան Հայր, շնորհավորում եմ Ձեզ՝ հովվության քսանամյակի
ուրախ առիթով: Թող Բարձրյալ Աստված զորավիգ ու օգնական լինի Ձեր
եկեղեցաշեն բարի նախաձեռնություններում՝ Ձեզ պարգեւելով առողջություն
եւ մշտանորոգ նվաճումներ առաջնորդական Ձեր առաքելության մեջ՝ ի փառս
մեր Տեր ու Փրկիչ Հիսուս Քրիստոսի, ի պայծառություն Շիրակի թեմի
եւ Հայոց Եկեղեցու:
ՅԱՆԱ ՍԱՆԴՈՅԱՆ
>>>
|
|