| 
ՇԻՐԱԿԻ ՄԱՐԶՊԵՏ ՏԻԳՐԱՆ ՊԵՏՐՈՍՅԱՆԻ
ՇՆՈՐՀԱՎՈՐԱՆՔԻ ԳԻՐԸ
 երաշնորհ
Սրբազան Հայր, մեր շատ սիրելի Միքայել արքեպիսկոպոս Աջապահյան.
Սրտանց շնորհավորում ենք Ձեզ ու նաեւ մեզ՝ շիրակցիներիս, Շիրակի
թեմի առաջնորդության քսանամյա հոբելյանի կապակցությամբ:
 Երկու
տասնամյակ շարունակ Դուք նվիրումով ու վեհանձնությամբ, անխոնջ աշխատանքով
ու խորիմաստությամբ լծված եք եղել մեր թեմի հոգսերի ու խնդիրների
թեթեւացման գործին:
Ձեր անունը մեզ բոլորիս այնքան հարազատ է դարձել: Մենք ամենուր,
ամեն տեղ, բոլոր դժվար ու ծանր պահերին զգացել ենք Ձեր աջակցությունն
ու հոգատարությունը: Ձեր սթափեցնող ու ոգեւորող քարոզները, արժեքավոր
խորհուրդները մեզ հետ են այսքան տարիներ:
Բոլորս ենք տեսել անցած տարիների Ձեր բազմաթիվ ձեռքբերումներն ու
ազգօգուտ ձեռնարկները, իրականացրած եկեղեցաշինությունը: Ամենահեռավոր
բնակավայրերում ունկնդիրն ենք եղել Ձեր հայրական օրհնության խոսքի
ու Պատարագի: Անուրանալի է նաեւ Ձեր ներդրումը Եկեղեցի-պետություն
հարաբերությունների ամրապնդման գործում:
Սրբազան Հայր, մաղթում ենք Ձեզ անսպառ եռանդ, առողջություն, արեւշատություն,
որ հետագա տասնամյակներում եւս մեզ հետ լինեք աստվածահաճո ու բարեգութ
գործերով:
>>>
|
|
