ՄՏԵՐՄԻԿ
ՀԱՆԴԻՊՈՒՄ «ԴՐԱԽՏԻԿ»-ՈՒՄ
իրակի
թեմի «Վերադարձ դեպի բնություն» ճամբարի հիմնական խնդիրը ոչ թե միայն
երեխաների ամառային հանգիստը կազմակերպելն է, այլ նաեւ ճամբարականերին
հայեցի, ընկերասեր, գթասիրտ, բարեխիղճ քրիստոնյաներ դաստիարակելը:
Հոկտեմբերի
27-ին, Արտաշես սրկ. Աջապահյանի եւ Ս. Հակոբի մշակութային բաժնի
կամավորներ Աննայի եւ Լիլիթի նախաձեռնությամբ, կազմակերպվեց Ճամբարականների
աշնանային հանդիպումը, որը տեղի ունեցավ թեմի «Դրախտիկ» պարտեզում:
Կամավորները երեխաների համար նախապատրաստել էին խաղային-ժամանցային
գողտրիկ ծրագիր: Ճամբարականներն անչափ ուրախ էին, որ հանդիպելու
եւ կրկին միմյանց հետ շփվելու հնարավորություն էր իրենց ընձեռնվել:
«Դրախտիկ»-ում երեխաները խաղացին, վայելեցին գեղեցիկ բնությունը,
միասին հավաքվեցին սիրո ճաշի՝ ագապեի սեղանի շուրջ: Հանդիպմանը եկել
էին ճամբարականներ Գյումրուց, Մարալիկից եւ Ազատանից: Հանդիպումն
անցավ ջերմ, ընկերական մթնոլորտում, պարզվեց նաեւ, որ շատ երեխաներ
շարունակում են շփումը՝ սպասելով ամռանը, որպեսզի կրկին մեկտեղվեն
սիրելի ճամբարում:
«Վերադարձ դեպի բնություն» ճամբարի պատասխանատու Լուսինե Գրիգորյանը
շնորհակալություն է հայտնում Շիրակի թեմի Առաջնորդ Տ. Միքայել արքեպս.
Աջապահյանին՝ թեմապատկան պարտեզի դռները փոքրիկ հյուրերի առջեւ հյուրընկալորեն
բացելու համար:
ԼՈՒՍԻՆԵ ԳՐԻԳՈՐՅԱՆ
>>>
|
|