ՏԱՐԵՑՆԵՐԻ
ԽՆԱՄՔԸ ՈՉ ԹԵ ՊԱՐՏԱԿԱՆՈՒԹՅՈՒՆ Է, ԱՅԼ ՊԱՐՏՔ
իրակի
թեմի սոցիալ-կրթական կենտրոնը միշտ մտահոգվում է շահառու տարեցների
ժամանցն ավելի հետաքրքիր դարձնելու եւ խնամքն ապահովելու համար:
Այս անգամ համագործակցելով Գյումրու ժողգործիքների պետական նվագախմբի
հետ՝ փորձեցինք մեր ավագ ընկերների օրը դարձնել տոնական:
Նոյեմբերի
15-ին տեղի ունեցած համերգի ընթացքում հնչեցին հայրենասիրական երգեր,
սիրո ու հարսանեկան պարի հուշերով լի մեղեդիներ: Տարեցները ձայնակցեցին
երգիչներին ու հիշեցին... Սերունդների երկխոսություն՝ այսպես կարելի
էր բնորոշել հանդիսատեսին ու համերգի մասնակիցներին, քանի որ հանդիսույթին
ներկա էին տարեցներ, երիտասարդներ ու դպրոցականներ:
Իսկ վերջում ուս-ուսի տված պարեցին ու երգեցին: Եվս մեկ անգամ փաստվեց,
որ, անկախ տարիքից, հայի պայքարող տեսակը միշտ մնում է աներեր, բռունցքվելու
ու հաղթելու անհագ ցանկությամբ: Չդադարող ծափողջույններն ու շնորհակալությունները
հաջողված համերգի հավաստիքներն էին:
Սոցիալ-կրթական կենտրոնը շնորհակալություն է հայտնում Գյումրու ժողգործիքների
պետական նվագախմբին՝ հաճախակի հրավերքի եւ շահառու տարեցներին տոն
պարգեւելու համար:
Միայն համերգով չի սահմանափակվում մեր ավագ ընկեր ու բարեկամ տարեցների
խնամքը: Նոյեմբերի 5-ին էլ մերոնք Լոռու մարզում էին: Ուխտագնացության
էին մեկնել Լոռվա աշխարհի եկեղեցիներ ու վանքեր...
Ջերմ ընդունելությունն ու ջերմ արեւն ապահովեցին հաճելի տրամադրություն
ու հագեցած ժամանց:
Սոցիալ-կրթական կենտրոնը հոգաց, որ տարեցներն ապահով ու հարմարավետ
մեքենայով հասնեն ուխտատեղիներ եւ բնության գրկում ճոխ հյուրասիրություն
կազմակերպեց:
ԱՆԱՀԻՏ ՀԱՐՈՒԹՅՈՒՆՅԱՆ
>>>
|
|