«ԵՐԱՆՈՒՀԻ
ԿՈՅՍ ՏԻՐՈՒՀԻ ԴՈՒ ՕԹԱՐԱՆ ԵՍ ՄԻԱԾՆԻ»
«Կույսդ մաքուր եւ հրաշալի, դու գեղեցիկ գեղ գովելի,
Հոտով նման ես դու վարդի, շուշան հովտաց, ծաղիկ դաշտի»:
ՇԱՐԱԿՆՈՑ
այ
Առաքելական Եկեղեցին Աստվածածնին նվիրված յոթը տոն ունի, այդ թվում
եւ Ս. Կույսի տաճարընծայումը, որ հաստատվել է Զ դարում եւ տոնացույց
մտել ԺԸ դարում: Բոլոր Եկեղեցիներն այն տոնախմբում են նոյեմբերի
21-ին: Ս. Կույսի ծնողները՝ Աննան եւ Հովակիմը, նրան նվիրեցին Տիրոջ
Տաճարին, ուր, Աննա մարգարեուհու հսկողությամբ, սպասավորություն
էր անում, բեհեզ ու ծիրանի մանում: Տաճարում մնալով՝ Մարիամը հետագայում
դարձավ ոսկյա այն սափորը, որ իր մեջ կրեց Կենաց Մանանան՝ դառնալով
«բուրվառ ոսկի լցեալ, տուփ անուշ խնկոյն»: Սրբուհին պսակն է բոլոր
սրբերի, մայրն ու ծնողը բոլոր արդարների, Աստծո աղախինն է, միեւնույն
ժամանակ՝ Նրա կենդանի Խոսքի կրողը:
ՍՈՒՐԲ ԵՎ ԱՆՄԱՀ ՊԱՏԱՐԱԳ
Նոյեմբերի 21-ին՝ «Ընծայումն Ս. Աստվածածնի երից ամաց ի տաճարն»
տոնի ուրախ առիթով, Ս. Աստվածածին մայր եկեղեցում մատուցվեց Սուրբ
եւ անմահ Պատարագ: Օրվա պատարագիչն էր, ուխտավորաբար Գյումրիում
գտնվող, Դիլիջանի Ս. Խաչ եկեղեցու հոգեւոր հովիվ Տ. Շավարշ քհն.
Սիմոնյանը: Հընթացս սրբազան արարողակարգի՝ «Հայր մեր»-ից առաջ, տոնի
խորհուրդը մեկնող ոգեշունչ քարոզ խոսեց պատարագիչ Տեր Հայրը:
Սուրբ Պատարագի ընթացքում ներկա հավատացյալները եւ Դիլիջանի Ս. Խաչ
եկեղեցու ուխտավորներն ստացան Սուրբ Հաղորդություն:
ԱԼՎԱՐԴ ԿԱՂԶՎԱՆՑՅԱՆ
>>>
|
|