Տոն
առաջիկա
ՆԻԿՈՂԱՅՈՍ ՀԱՅՐԱՊԵՏ ՄՅՈՒՌԱ
նվել
է Փոքր Ասիայի Լիկիա գավառի Բաթարա քաղաքում, որ շատ հեռու չէ ներկայիս
Անթալիա քաղաքից: Մեծահարուստ, բայց միաժամանակ շատ բարեպաշտ ծնողների
զավակ էր: Մայրը քույրն էր Նիկողայոս Երեց եպիսկոպոսի: Վաղ տարիքում
կորցրել էր ծնողներին եւ մեծացել մորեղբոր խնամքի ներքո: Նա Ավետարանի
հետեւյալ պատգամը՝ «եթե ուզում ես կատարյալ լինել, վաճառիր ողջ ունեցվածքդ
եւ տուր աղքատներին», համարում է իրեն ուղղված, ուստի սկսում է վաճառել
ծնողներից մնացած հարստությունը՝ աղքատներին տալու համար:
Իմանալով,
որ մի հայր չի կարողանում հայթայթել երեք դստրերի ամուսնական օժիտը՝
գիշերով գաղտնի երեք քսակներ է նետում նրանց տուն եւ փրկում ընտանիքը
դժվար կացությունից: Քահանա է ձեռնադրվում մորեղբորից: Սուրբ Երկիր
ուխտի գնալիս ահավոր ալեկոծություն է լինում: Նավաբեկությունից խուսափելու
համար Նիկողայոսն աղոթում է՝ հանդարտեցնելով ծովը:
Մյուռա (Զմուռնիա) քաղաքի եպիսկոպոս է ձեռնադրվում առաջնորդի մահվանից
հետո: Մեծ եռանով է լծվում նոր պաշտոնին՝ հատկապես խնամքի տակ առնելով
աղքատներին, հիվանդներին, բանտարկյալներին, այրիներին ու որբերին:
Երբ Լիկիանոսը վերսկսում է Դիոկղետիանոսի հալածանքները, ձերբակալվում
է եւ աքսորվում: Երբեք չի դադարում քարոզել Ավետարանը: Խաղաղություն
վերահաստատվելուց հետո վերադառնում է իր Աթոռը:
Նիկողայոսը ներկա է գտնվում Նիկիո (325 թ.) ժողովին, եւ հաջորդ տարին
իսկ, խաղաղ ու երջանիկ, կնքում իր մահկանացուն:
Սուրբը նկատվում է ոչ միայն նավաստիների պաշտպանը, այլեւ մանկանց,
որոնց հանդեպ մասնավոր հոգածություն է ցուցաբերել մշտապես: Ընդհանրացած
Սանտա Քլոզը, որ մեր Կաղանդ Պապիկն է, Սանտա Նիկողայոսի աղավաղված
ձեւն է: Համարվում է համայն Ռուսիո պահապան Սուրբը: Իր ժողովրդականությունը
տարածվում է արեւմուտքում, երբ նշխարները 1087-ին փոխադրվում են
Իտալիայի Պարի քաղաքը, ուր Սրբի անունով կառուցվում է փառահեղ տաճար:
Հույներն ու լատինները դեկտեմբերի 6-ին, իսկ հայերը Ս. Խաչի Ժ կիրակիին
հաջորդող շաբաթ օրն են տոնախմբում Սուրբ Նիկողայոսի հիշատակը:<
>>>
|
|