| ՄԱՐԴՈՒ
ԵՐԵՔ ԸՆԿԵՐՆԵՐԸ
 ի
մարդ կար, ով երեք ընկերներ ուներ: Նա երկուսին շատ էր սիրում, իսկ
երրորդի հանդեպ անտարբեր էր, հակառակ նրան, որ երրորդ ընկերն ավելի
էր կապված իրեն:
 Մի
օր այս մարդն ամբաստանվում է մեծ ոճիր գործելու հանցանքով:
Խեղճը շփոթվում է այս ամբաստանությունից, որովհետեւ լիովին անմեղ
էր: Այդ նեղ իրավիճակում մի պահ հիշում է իր ընկերներին եւ մտածելով,
թե նեղության ժամանակ կարող է դիմել նրանց, որոշում է օգնություն
խնդրել: Նա երեք ընկերներին էլ իր տուն է կանչում եւ ասում է.
- Եկեք ինձ հետ մինչեւ դատավորի պալատը, օգնեք ինձ, որպեսզի միայնակ
չզգամ:
Ընկերներից առաջինը հրաժարվում է օգնություն ցույց տալուց՝ պատճառաբանելով,
թե ինքը շատ կարեւոր գործեր ունի:
Մեղադրվողի խնդրանքին անսալով՝ երկրորդն ընկերանում է խեղճին ու
նրա հետ գնում մինչեւ դատավորի պալատը, բայց ներս չի մտնում:
Երրորդը, ում սիրո վրա կասկածում էր, ընկերանում է նրան մինչեւ դատավորի
ատյանը ու քաջությամբ պաշտպանում վերջինիս: Նա այնքան ճարտասանությամբ
ու անկեղծությամբ է խոսում, որ դատավորը ճանաչում է մարդու անմեղությունն
ու նրան ազատ արձակում:
Ամեն մարդ իր կյանքում երեք ընկեր ունի: Առաջին ընկերը հարստությունն
է, երկրորդը՝ բարեկամները, իսկ երրորդը՝ նրա բարի գործերը:
Բայց չէ՞ որ դժվար ու ծանր պահերին է զգացվում, թե ով է մարդու ճշմարիտ
ընկերը: Երբ մարդ մահանում է եւ ներկայանում Աստծու դատաստանին,
ամենից առաջ հարստություններն են, որ լքում են նրան: Բարեկամները
գնում են մինչեւ գերեզման ու ետ դառնում: Միայն բարի գործերն են,
որ մարդուն ընկերակցում են մինչեւ Աստծո ատյանը եւ արդարացնում նրան:
>>>
|
|
