ՄԵՐ
ՀԵՐԹԱԿԱՆ ՀՅՈՒՐԸ
րբ
բարեգործությունը ենթադրում է հավասարի հետ հացը կիսելու պատրաստակամություն,
իսկ շնորհակալությունը՝ ջերմ գրկախառնություն եւ փոխադարձ երախտագիտություն
ու հարգանք. ահա այսպիսին պետք է լինի բարեգործությունը:
Հոկտեմբերի
14-ին սոցիալ-կրթական կենտրոն էր այցելել, տարիներ շարունակ մեր
բարեկամը դարձած, գերմանական «Hilfe fur Armenien» կազմակերպության
բարերարներից մեկը:
Շիրակի թեմի բարեխնամ Առաջնորդ Տ. Միքայել արքեպս. Աջապահյանի հետ
հանդիպման ընթացքում երկուստեք քննարկվեցին առկա խնդիրները, կազմակերպության
դժվարություններն ու հետագա համագործակցության ուղիները: Սրբազան
Հայրը շնորհակալություն հայտնեց «Hilfe fur Armenien» կազմակերպությանն
ու բարերարներին՝ քսանմեկ ծնողազուրկ երեխաների աջակցելու համար,
նաեւ հավելեց, թե ինչպիսի շնորհակալ գործ են անում այս տարիների
ընթացքում՝ օգնելով խնամակալ ընտանիքներին:
Գերմանիայում
հավաքագրված գումարով հոգում են կարիքավոր ընտանիքների եւ այդ ընտանիքներում
մեծացող երեխաների ծախսերը, նպաստում, որ ծնողներից զրկված զավակը
չկորցնի նաեւ մանկության վառ հիշողությունները:
Այնուհետեւ բարերարը հանդիպեց երեխաների ու խնամակալների հետ: Միմյանց
հետ խոսելու փոխարեն միասին աղոթեցին, գրկախառնվեցին. մթնոլորտն
ավելի քան խոսուն էր:
Երբ գործը բարի է, խոսքերն ավելորդ են:
ՍՈՑԻԱԼ-ԿՐԹԱԿԱՆ ԿԵՆՏՐՈՆ
>>>
|
|