FLY-Ի
ՀԵՐԹԱԿԱՆ ԱՆԱԿՆԿԱԼԸ
եպեմբերի
29-ը դեռ երկար կմնա մի խումբ երեխաների հիշողության մեջ: FLY-ը
հերթական անգամ իր գեղեցիկ անակնկալով եւ ուրախառիթ նախաձեռնությամբ
հանդես եկավ՝ Գյումրու, Վանաձորի ու Սպիտակի շուրջ 120 մանուկների
համար կազմակերպելով շրջագայություն, ինչպես նաեւ այցելություն Գյումրու
դելֆինարիում:
FLY-ի համար արդեն ավանդույթ է դարձել սովորական օրը տոնի վերածելն
ու իրականացնելն այն երազանքները, որոնք անհնար են թվում շատերին:
Էքսկուրսիային մասնակցած մանուկների ծնողների համար դժվար է նմանատիպ
շրջագայություն կազմակերպելը: Կարեւոր չէ՝ նրանք որտեղ են բնակվում՝
Գյումրիում, Վանաձորում, թե Սպիտակում: Առավել եւս, որ դրա համար
անհրաժեշտ են ֆինանսական միջոցներ:
Տնակներում
ապրող, ծնողազուրկ եւ սոցիալապես անապահով ընտանիքների երեխաներն
էին օրվա նախաձեռնության մասնակիցները: Երեխաները Գյումրի տեղափոխվեցին
FLY-ի մեքենաներով:
Դելֆինարիումը մանուկների ամենասիրելի վայրերից է, որտեղից վերջիններս
դժվարությամբ են տուն վերադառնում: Այս անգամ եւս փոքրիկ այցելուները
հիացմունքով դիտեցին դելֆինների ցուցադրած գեղեցիկ համարները, որից
հետո, հենց դելֆինարիումի բակում, վայելեցին իրենց սիրելի ուտեստներն
ու նկարվեցին կազմակերպիչների հետ, ինչը գունագեղ օրվանից մնայուն
հիշողություն է փոքրիկների համար:
ԼԵՆԱ ՄԱՐԳԱՐՅԱՆ
ԼՈՒՍԱՆԿԱՐՆԵՐԸ՝ ՄԱՐՏԻՆ ԳԵՎՈՐԳՅԱՆԻ
>>>
|
|