Լրահոսից
30 օգոստոսի - Սրբոյն Թադէոսի առաքելոյն
մերոյ եւ Սանդուխտոյ կուսին: Սուրբ Յոթվերք մայր եկեղեցում, ձեռամբ
Տ. Ավետիք աբղ. Սողոմոնյանի, մատուցվեց Սուրբ եւ անմահ Պատարագ:
Սրբազան արարողակարգի ընթացքում՝ «Հայր մեր»-ից առաջ, հանգամանալից
քարոզ խոսեց պատարագիչ Հայր Սուրբը:
4 օգոստոսի - Առաջնորդանիստ Սուրբ Աստվածածին եկեղեցում
մատուցվեց Սուրբ եւ անմահ Պատարագ: Օրվա պատարագիչն էր Տ. Ավետիք
աբղ. Սողոմոնյանը: Սրբազան արարողակարգի ընթացքում՝ «Հայր մեր»-ից
առաջ, ոգեշունչ քարոզ խոսեց պատարագիչ Հայր Սուրբը:
11 օգոստոսի - Բարեկենդան Ս. Աստվածածնի պահոց:
Սուրբ Յոթվերք եկեղեցում Սուրբ եւ անմահ Պատարագ մատուցեց Տ. Շիրակ
ավգ. քհն. Առաքելյանը: Հընթացս սրբազան արարողակարգի՝ «Հայր մեր»-ից
առաջ, հավուր պատշաճի քարոզ խոսեց Տ. Ավետիք աբղ. Սողոմոնյանը:
17 օգոստոսի - Նախատոնակ: Ս. Յոթվերք եկեղեցում,
հավարտ երեկոյան ժամերգության, հանդիսապետությամբ Շիրակի թեմի Առաջնորդ
Տ. Միքայել արքեպս. Աջապահյանի եւ հոգեւորականաց դասի, կատարվեց
նախատոնակ:
18 օգոստոսի - Վերափոխումն Ս. Աստվածածնի: Տոնի
ուրախ առիթով առաջնորդանիստ Ս. Յոթվերք եկեղեցում մատուցվեց Սուրբ
եւ անմահ Պատարագ: Օրվա պատարագիչն էր Տ. Թաթուլ ավգ. քհն. Հակոբյանը:
Հընթացս սրբազան արարողակարգի՝ «Հայր մեր»ից առաջ, օրվա խորհրդին
համահունչ ոգեշինիչ քարոզ խոսեց պատարագիչ Տեր Հայրը:
Հավարտ սրբազան արարողակարգի՝ Վարդանանց հրապարակում, ձեռամբ Առաջնորդ
Սրբազանի, կատարվեց խաղողօրհնեքի ավանդական արարողակարգը:
19 օգոստոսի - Հիշատակ մեռելոց: Ս. Աստվածածին
եկեղեցում մատուցվեց մեռելոցի Սուրբ եւ անմահ Պատարագ: Օրվա պատարագիչն
էր Տ. Ավետիք աբղ. Սողոմոնյանը:
25 օգոստոսի - Առաջնորդանիստ Սուրբ Աստվածածին
մայր եկեղեցում մատուցվեց Սուրբ եւ անմահ Պատարագ: Օրվա պատարագիչն
էր Տ. Ավետիք աբղ. Սողոմոնյանը:
Նույն օրը Միքայել Հրեշտակապետ եկեղեցում Սուրբ եւ անմահ Պատարագ
մատուցեց Տ. Հովհաննես քհն. Ալեքսանդրյանը: Սրբազան արարողությանը
ներկա էր Շիրակի թեմի բարեխնամ Առաջնորդ Տ. Միքայել արքեպս. Աջապահյանը:
>>> |
|