| ՏՐՎԵՑ
«ՎԵՐԱԴԱՐՁ ԴԵՊԻ ԲՆՈՒԹՅՈՒՆ» ՃԱՄԲԱՐԻ ՄԵԿՆԱՐԿԸ
 իրակի
թեմի «Վերադարձ դեպի բնություն» ճամբարի 2019 թվականի ամառային մեկնարկը
տրվեց հուլիսի 5-ին:
 Առաջին
հոսքի ճամբարականները մեկտեղվեցին Գյումրու Ս. Հակոբ եկեղեցու բակում
եւ միասին ճանապարհ ընկան դեպի գեղատեսիլ Եղնաջուր, ուր անհամբերությամբ
նրանց էր սպասում ճամբարի աշխատակազմը:
Ճամբարականները նախ կանգ առան Ամասիայի Ս. Գեւորգ եկեղեցում: Այստեղ
նրանց դիմավորեց Ամասիայի հոգեւոր հովիվ Տ. Գարեգին քհն. Սարգսյանը:
Տեր Հայրն իր հայրական օրհնությունը բաշխեց եւ բարի հանգիստ մաղթեց
երեխաներին:
Ամեն տարվա նման հագեցած եւ բազմաբովանդակ է ճամբարի առօրյան: Կրոնի,
առաջին բուժօգնության, երգի, լեզուների դասերը փոխարինում են մեկը
մյուսին: Կազմակերպվում են մեծաթիվ ու տարաբնույթ մրցույթներ եւ
վիկտորինաներ: Ճամբարականների առօրյան հերքրքիր դարձնող միջոցառումներից
անմասն չեն մնում նաեւ մոտակա սահմանապահ զորամասի սահմանապահները,
ովքեր մեծ սիրով անցկացնում են ռազմագիտության դասեր:
 Հաճախակի
են կազմակերպվում արշավներ, իսկ էքսկուրսիան դեպի «Վիշապաքար» կոչվող
տեղանք մեծ ոգեւորությամբ է ընդունվում յուրաքանչյուր ճամբարականի
կողմից:
Առաջին հոսքի ավարտական միջոցառումը կայացավ հուլիսի 14-ին: «Կտոր
մը հայրենիք» խորագիրը կրող հանդիսույթի ընթացքում հնչեցին հայրենասիրական
երգեր ու բանաստեղծություններ, իսկ վերջում բոլորեց «Կառնո քոչարի»-ն,
ինչը շատ ոգեւորեց ներկաներին:
Հրաժեշտի միջոցառմանը հրավիրված էին սահմանապահ զորամասի սպաները,
«Արփի» ազգային պարկի աշխատակիցները, Եղնաջուր գյուղի բնակիչները:
Միջոցառումը ձգվեց մինչեւ ուշ երեկո: Հաջորդ օրը երեխաները հրաժեշտ
տվեցին ճամբարին՝ հաջորդ տարի կրկին հանդիպելու ակնկալիքով:
Առաջին հերթափոխին աշխատեցին ջոկատավարներ Լիլիթ Մուրադյանը, Աննա
Խաչատրյանը, վոկալիստ Շուշան Հովհաննիսյանը:
ԼՈՒՍԻՆԵ ԳՐԻԳՈՐՅԱՆ
>>>
|
|
