ՀՈԳԵՎՈՐ
ԶՐՈՒՅՑ ԲԱՐԵԿԱՄԱԲԱՐ, ՆՎԵՐՆԵՐ՝ ՍՐՏԱԲԱՑ
ոցիալ-կրթական
կենտրոնն աջակից այն հաստատությունն է, որ միշտ պատրաստ է գտնել
սոցիալական բազմաթիվ շերտեր, անհրաժեշտության դեպքում դիտարկել ու
գնահատել կարիքները եւ ժամանակին արագահաս օգնության ձեռք մեկնել:
Բայց
այս ամենն այնպիսի նրբանկատությամբ ու սիրով է անում, առանց թմբկահարելու
ու լուռ, որ չվնասի ոչ մի մանկան, մոր ու ընտանիքի արժանապատվությունը:
«Ոչ թե օգնություն, այլ նվիրաբերում, ոչ թե հովանավորություն, այլ
ունեցածից բաժին հանել»,- այս սկզբունքին ու մոտեցմանն արդեն ծանոթ
լինելով՝ հերթական անգամ էին մի խումբ երեխաներ սպասում սոցիալ-կրթական
կենտրոնի աշխատակիցներին:
Թիվ 32 դպրոցում «Գյումրու մանկական կենտրոն» ՀԿ-ն թաղամասի 160
երեխայի համար կազնակերպել է բակային ճամբար, ուր ջոկատավարները,
ուսուցողական խաղերի ու ժամանցի միջոցով, հագեցած ու հետաքրքիր են
դարձնում ճամբարականների ամառային արձակուրդների մի քանի օրը:
Այս անգամ Տ. Նարեկ քհն. Անտոնյանի հետ այցելեցինք բակային ճամբար:
Երեխաներն ու ջոկատավարները միասին աղոթեցին, քահանային ուղղեցին
իրենց մտահոգող հարցերը՝ ստանալով սպառիչ պատասխաններ: Երեխաների
եւ քահանայի միջեւ ծավալված զրույցը նման էր ավագ ընկերոջ ու բարեկամի
հետ խոսք ու զրույցի: Համատեղ աղոթքն ու Տեր Նարեկի ոգեւորող խոսքերն
այնքան տպավորիչ էին, որ երեխաներից յուրաքանչյուրը կամեցավ իր կարողությունները
ցուցադրել:
Ապա հերթը հասավ սոցիալ-կրթական կենտրոնի պատրաստած նվերներին: Ճամբարի
160 երեխաներին անակնկալ էր սպասվում՝ փոքրիկ փաթեթների տեսքով:
Երեխաները հետաքրքրությամբ բացեցին նվերները, ոգեւորվեցին հիգիենայի
պարագաներով, ապա որոշեցին, թե ինչպես են նոր ուսումնական տարում
օգտագործելու գրենական պիտույքները:
ԱՆԱՀԻՏ ՀԱՐՈՒԹՅՈՒՆՅԱՆ
>>>
|
|