Լրահոսից
2 հունիսի - Երկրորդ Ծաղկազարդ:
Ս. Յոթվերք առաջնորդանիստ մայր եկեղեցում մատուցվեց Սուրբ եւ անմահ
Պատարագ: Օրվա պատարագիչն էր Տ. Ավետիք աբղ. Սողոմոնյանը: Հընթացս
սրբազան արարողակարգի՝ «Հայր մեր»-ից առաջ, օրվա խորհրդին համահունչ
քարոզ խոսեց պատարագիչ Հայր Սուրբը՝ «Չգիտե՞ք, թե ձեր մարմինները
տաճար են Սուրբ Հոգու, որ ձեր մեջ է …» բնաբանով:
9 հունիսի - Հոգեգալուստ, Պենտեկոստե: Տոնի ուրախ
առիթով Ս. Յոթվերք առաջնորդանիստ եկեղեցում մատուցվեց Սուրբ եւ անմահ
Պատարագ: Օրվա պատարագիչն էր Տ. Շիրակ ավագ քհն. Առաքելյանը: Սրբազան
արարողակարգի ընթացքում՝ «Հայր մեր»-ից առաջ, «Աղօթք ի դեմս Սուրբ
Երրորդության» խորագրով Ս. Հովնան Ոսկեբերանի աղոթքը կարդաց Շիրակի
թեմի Առաջնորդ Տ. Միքայել արքեպս. Աջապահյանը:
16 հունիսի - Յիշատակ Եղիայի մարգարէին: Ս. Յոթվերք
մայր եկեղեցում, ձեռամբ Տ. Թաթուլ ավագ քհն. Հակոբյանի, մատուցվեց
Սուրբ եւ անմահ Պատարագ: Սրբազան արարողակարգի ընթացքում՝ «Հայր
մեր»-ից առաջ, հանգամանալից քարոզ խոսեց պատարագիչ Տեր Հայրը:
17 հունիսի - Սրբոց կուսանացն Հռիփսիմյանց: Տոնի
ուրախ առիթով Սուրբ Հռիփսիմե մատուռում ուխտի Սուրբ եւ անմահ Պատարագ
մատուցեց աղոթատան հոգեւոր հովիվ Տ. Արսեն ավագ քհն. Սիմոնյանը:
Հընթացս սրբազան արարողակարգի՝ «Հայր մեր»-ից առաջ, օրվան պատշաճող
քարոզ խոսեց պատարագիչ Տեր Հայրը:
22 հունիսի - Սուրբ Գրիգոր Լուսավորչի վիրապից
ելնելու տոնի ուրախ առիթով Սուրբ Յոթվերք եկեղեցում մատուցվեց Սուրբ
եւ անմահ Պատարագ: Օրվա պատարագիչն ու քարոզխոսն էր Տ. Ստեփանոս
քհն. Ավետիսյանը:
Նույն օրը Ս. Գրիգոր Լուսավորիչ եկեղեցում մատուցվեց ուխտի Սուրբ
եւ անմահ Պատարագ՝ ձեռամբ Տ. Փավստոս քհն. Սարգսյանի: Հընթացս սրբազան
արարողակարգի՝ «Հայր մեր»-ից առաջ, օրվա խորհուրդը մեկնող ոգեշունչ
քարոզ խոսեց պատարագիչ Տեր Հայրը:
23 հունիսի - Տոն Կաթողիկե Ս. Էջմիածնի: Առաջնորդանիստ
Ս. Աստվածածին մայր եկեղեցում Սուրբ եւ անմահ Պատարագ մատուցեց Տ.
Ստեփանոս քհն. Ավետիսյանը եւ, «Հայր մեր»-ից առաջ, ընթերցեց Ն.Ս.Օ.Տ.Տ.
Գարեգին Բ Ամենայն Հայոց Կաթողիկոսի սրբատառ կոնդակը:
Հավարտ սրբազան արարողակարգի կատարվեց Հայրապետական մաղթանք:
30 հունիսի - Բարեկենդան Ս. Գրիգոր Լուսավորչի
պահոց: Առաջնորդանիստ Ս. Աստվածածին մայր եկեղեցում մատուցվեց Սուրբ
եւ անմահ Պատարագ՝ ձեռամբ Տ. Շիրակ ավագ քհն. Առաքելյանի: Սրբազան
արարողակարգի ընթացքում՝ «Հայր մեր»-ից առաջ, հավուր պատշաճի ոգեշինիչ
քարոզ խոսեց Տ. Ավետիք աբղ. Սողոմոնյանը:
>>> |
|